04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Անի Իսպիրյանի նկատմամբ խափանման միջոց է ընտրվել տնային կալանքը
Հասարակություն
02.02.2024 | 11:56
Հակակոռուպցիոն դատարանը բավարարել է քննիչի միջնորդությունը՝ Էկոնոմիկայի նախկին փոխնախարար Անի Իսպիրյանի նկատմամբ 2 ամիս ժամկետով՝ տնային կալանքը որպես խափանման միջոց կիրառելու վերաբերյալ։ Այս մասին Factor.am-ի հարցին ի պատասխան ասաց Դատական դեպարտամենտի մամուլի խոսնակ Լիլիթ Շաբոյանը։
Հիշեցնենք, որ Էկոնոմիկայի նախարարությունում ենթադրյալ չարաշահումների դեպքի առթիվ նախաձեռնված քրեական վարույթների շրջանակներում մեղադրյալ են փոխնախարարի պաշտոնից ազատված Իսպիրյանը և այլ անձինք, որոնց թվում՝ Ազգային ժողովի նախագահ Ալեն Սիմոնյանի եղբոր կինը՝ Անի Գևորգյանը։ Վերջինիս նկատմամբ խափանման միջոց է ընտրվել կալանավորումը՝ 2 ամիս ժամկետով։ Երեկ կալանավորվել էր նաև «Սիներջի» ընկերության հիմնադիր Աշոտ Հովհաննիսյանը։
