12.12.2024 | 14:23
Թրամփը Սի Ցզինպինին հրավիրել է իր երդմնակալությանը․ CBS News
Հայաստանն այսօրվանից պաշտոնապես միացավ Միջազգային քրեական դատարանին
Քաղաքականություն
01.02.2024 | 11:29
Հայաստանը պաշտոնապես միացել է Հաագայի միջազգային քրեական դատարանին։ Սա հնարավորություն է տալիս կանխել ռազմական հանցագործությունները, գրում է DW-ն՝ հղում անելով ՀՀ կառավարության ներկայացուցչին։
«Փետրվարի 1-ից Հայաստանում ուժի մեջ է մտել ՄՔԴ Հռոմի ստատուտը։ ՄՔԴ-ին միանալը հնարավորություն է տալիս Հայաստանին կանխել ռազմական հանցագործությունները և մարդկության դեմ հանցագործությունները իր հողում»,- ասում է ՀՀ միջազգային իրավական հարցերով ներկայացուցիչ Եղիշե Կիրոկոսյանը։ Նրա խոսքով, դա առաջին հերթին վերաբերում է Ադրբեջանին։
«Ի թիվս այլնի, այս քայլը նշանակում է նաև, որ Հայաստանը կարող է կալանավորել ՌԴ նախագահ Վլադիմիր Պուտինին Հաագայի դատարանի որոշմամբ, եթե նա այցելի երկիր»,- գրում է կայքը։
Ավելի վաղ Ռուսաստանը սուր քննադատության էր ենթարկել Հայաստանին Հռոմի ստատուտին միանալու ցանկության համար՝ այն անվանելով «ոչ բարեկամական քայլք»։ Կառավարության ղեկավար Նիկոլ Փաշինյանը, ի պատասխան այս հայտարարությունների, բազմիցս նշել է, որ Հայաստանի գործողություններն ուղղված չեն Մոսկվայի դեմ։
Հիշեցնենք, որ Միջազգային քրեական դատարանը 2023 թվականի մարտին Պուտինին ձերբակալելու հրաման է տվել՝ Ռուսաստանի կողմից օկուպացված Ուկրաինայի շրջաններից հազարավոր երեխաների արտաքսելու կասկածանքով։ Ռուսաստանն իր հերթին չի ճանաչում ՄՔԴ-ն. երկրի իշխանությունները հետախուզում են հայտարարել ՄՔԴ մի քանի դատավորների՝ ՌԴ նախագահի կալանավորման օրդեր տրամադրելու համար։
