04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
ՌԴ-ն ու Ուկրաինան փոխանակվել են գերիներով
Քաղաքականություն
31.01.2024 | 19:02
ՌԴ ՊՆ-ն հայտնել է Ուկրաինայի հետ գերիների փոխանակման մասին։ Ըստ ռուսական կողմի՝ վերադարձվել է 195 ռազմագերի։
«Փոխարենը Ուկրաինայի զինված ուժերին ուղիղ 195 ռազմագերի է փոխանցվել»,- ասվում է հաղորդագրության մեջ։ ՌԴ պաշտպանության նախարարությունը չի հստակեցրել, թե որտեղ և ինչպես է տեղի ունեցել փոխանակումը։ Միայն նշվում է, որ գերիները ՌԴ օդատիեզերական ուժերի ռազմատրանսպորտային ինքնաթիռներով կտեղափոխվեն Մոսկվա՝ ՊՆ բուժհաստատություններում բուժման և վերականգնման նպատակով։
Ուշագրավ է, որ Ուկրաինայի նախագահ Վլադիմիր Զելենսկին հայտնել է 207 ռազմագերու վերադարձի մասին։
«Մերոնք տանն են, 207 տղաներ։ Վերադարձնում ենք, ինչ էլ որ լինի։ Հիշում ենք ամեն մեկի մասին, ով գերության մեջ է։ Բոլորին պետք է վերադարձնենք, աշխատում ենք այդ ուղղությամբ»,- գրել է Զելենսկին տելեգրամի իր ալիքում ու շնորհակալություն հայտնել փոխանակման կազմակերպմանը մասնակցած պաշտոնյաներին։
