15.09.2026 | 10:15
«Պարզ լճի» հարակից անտառում վնասվածք ստացած քաղաքացուն փրկարարները պատգարակով դուրս են բերել
Իլոն Մասկը հայտարարել է մարդու ուղեղում չիպի հաջող ներդրման մասին
Քաղաքականություն
30.01.2024 | 11:02
Միլիարդատեր Իլոն Մասկը հայտարարել է, որ իր Neuralink ընկերությունն առաջին անգամ հաջողությամբ անլար չիպ է տեղադրել մարդու ուղեղում։ Մասկը X-ի իր էջում գրել է, որ ներդրված սարքի առաջին արդյունքները խոստումնալից են՝ այն լավ է հայտնաբերում նյարդային ազդակները։
Չիպը պետք է ծառայի որպես կապող օղակ մարդու ուղեղի և համակարգչի միջև․ Neuralink-ը խոստանում է, որ այն կօգնի պայքարել ինչպես ֆիզիկական խնդիրների, այնպես էլ հոգեկան խանգարումների դեմ:
Neuralink-ը հեռու է այս ոլորտում առաջամարտիկ լինելուց. տասնյակ ընկերություններ տարիներ շարունակ փորձարկումներ են անցկացնում, որոշները՝ հուսադրող արդյունքներով: Բայց այն ամենը, ինչ անում է Մասկը, ավանդաբար մեծ ուշադրություն է գրավում նրա փորձառության և ինքնագովազդի շնորհիվ, գրում է BBC-ի ռուսական ծառայությունը:
Ամերիկյան իշխանությունները Մասկի ընկերությանը մարդկանց վրա չիփը փորձարկելու թույլտվություն են տրամադրել անցյալ տարվա մայիսին։ Նախատեսվում է, որ փորձարկումները կտևեն 6 տարի։
