22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
Հունվարի վերջին կհանդիպեն հայ և ադրբեջանցի պաշտոնյաները
Քաղաքականություն
29.01.2024 | 21:12
Չնայած հունվարի ավարտին մնացել է երեք օր, սակայն փոխվարչապետ Մհեր Գրիգորյանի գրասենյակից դեռևս չեն հստակեցնում, թե ե՞րբ տեղի կունենա հայ-ադրբեջանական համատեղ հանձնաժողովի նիստը։
Ավելի վաղ փոխվարչապետը հայտարարել էր, որ սահմանազատման հանձնաժողովների հաջորդ հանդիպումը նախանշված է հունվարի վերջին։
Այսօր փոխվարչապետի գրասենյակից Factor.am-ին փոխանցեցին, որ հանդիպումը նախատեսված է այս ամսվա ընթացքում, սակայն չի պարզաբանվում, թե վերջին երեք օրերից որի ընթացքում այն տեղի կունենա։
Հայաստանի և Ադրբեջանի սահմանազատման հանձնաժողովների վերջին հանդիպումը նոյեմբերի 30-ին էր՝ Իջևանի և Ղազախի հատվածում՝ փոխվարչապետեր Մհեր Գրիգորյանի և Շահին Մուստաֆաևի գլխավորությամբ:
Հայաստանի և Ադրբեջանի փոխվարչապետերի գլխավորած հանձնաժողովները մինչ այժմ 5 հանդիպում են անցկացրել․ մեկը՝ Երասխի, 2-ը՝ Տավուշի մարզի և Ղազախի հատվածներում, մեկական էլ՝ Մոսկվայում և Բրյուսելում։
Նարեկ Կիրակոսյան
