13.01.2026 | 12:53
Վենսը դիվանագիտության կոչ է անում, Թրամփը՝ քննարկում Իրանին հարվածելու հնարավորությունը․ WSJ
Մոսկվայում բերման են ենթարկել Արթուր Վանեցյանի եղբորը՝ գործարար Կարեն Վանեցյանին
Քաղաքականություն
29.01.2024 | 18:03
Մոսկվայում բերման է ենթարկվել միլիարդատեր, Exoil Group ռուսական ընկերության հիմնական սեփականատեր Կարեն Վանեցյանը, որին պատկանում են «Իդեալ» և «Օլեյնա» ապրանքանիշերը։ Հայաստանում նա հետախուզվում է փողերի լվացման համար։ Այս մասին հայտնել է ՆԳՆ-ում ՌԲԿ-ի աղբյուրը։
Հաղորդագրության համաձայն՝ գործարարը ձերբակալվել է հունվարի 28-ին Մոսկվայի կենտրոնում։
Դեռևս 2018 թվականին Հայաստանի դատախազությունը նրա դեմ գործ է հարուցել՝ պաշտոնեական լիազորությունները չարաշահելով փողերի լվացման համար։ 2023 թվականի նոյեմբերին նրա նկատմամբ հետախուզում է հայտարարվել։
Հետաքննությունը պարզել է, որ Վանեցյանը 15,5 մլն դոլարով գնել է Զանգեզուրի պղնձամոլիբդենային կոմբինատի 12,5 տոկոս բաժնետոմսերը, սակայն դրանք իրականում պատկանում են Վատիկանում ՀՀ նախկին դեսպանին։ Անօրինական գործարքների միջոցով նա վաստակել է 35 մլն դոլար։
Նշենք, որ Կարեն Վանեցյանը ՀՀ ԱԱԾ նախկին տնօրեն Արթուր Վանեցյանի եղբայրն է։
