23.07.2026 | 14:02
Արգենտինային ԱԱ-2026-ից հեռացնելու մասին ստորագրահավաքը մոտ է եղել Գինեսի ռեկորդը գերազանցելուն
Մեկ վարչապետ և մի քանի կարծիք. ինչ Սահմանադրություն է ուզում Փաշինյանը․ ԵզրաԿԱՑՈՒԹՅՈՒՆ
Քաղաքականություն
29.01.2024 | 18:02
«ՀՀ-ն կարիք ունի նոր Սահմանադրության․ ոչ թե սահմանադրական փոփոխությունների, այլ նոր Սահմանադրության։ Ընդ որում՝ ուզում եմ շեշտել, որ կառավարման խորհրդարանական համակարգը ամենահարմարն է ՀՀ-ի համար»,-
այս տարվա հունվարի 19-ին հայտարարել էր Նիկոլ Փաշինյանը։
Factor TV-ն առանձնացրել է Նիկոլ Փաշինյանի՝ ՀՀ վարչապետ դառնալուց հետո այս թեմայով արված հայտարարություները։ Կառավարման մոդելի վերաբերյալ հայտարարություններում որոշ դեպքերում Փաշինյանը հակասում է ինքն իրեն։
«2015 թվականի Սահմանադրությունն ի ցույց դրեց բազմաթիվ թերություններ, այսօր էլ տեսնում ենք, որ այն բազմաթիվ ճգնաժամային ռիսկեր է ստեղծում։ Մենք պետք է աշխատենք, որ այս տարվա հոկտեմբերի համաժողովրդական հանրաքվեով ընդունենք նոր Սահմանադրություն կամ սահմանադրական փոփոխություններ և, ի վերջո, կիսանախագահական համակարգի անցնելը տարբերակներից մեկը պետք է լինի»,- 2021 թվականի մարտի 1-ին հայտարարել էր Փաշինյանը։
«Ինձ համար նախապայման է, որ մենք կառավարման համակարգը չենք փոխելու, մենք մնալու ենք խորհրդարանական կառավարման ռեժիմի մեջ, որովհետև չեմ կարծում, որ երկու տարին մեկ կառավարման մոդելը փոխելը ճիշտ է»,- 2020 թվականի մարտի 11-ին ասել էր նա։
Մանրամասները՝ տեսանյութում։
Նարեկ Կիրակոսյան
