15.07.2026 | 16:31
Ստամբուլում ռուս զբոսաշրջիկների են ձերբակալել մզկիթի վերածված Սուրբ Սոֆիայի տաճարում Աստվածաշունչ կարդալու համար
Բաքվի վերաքննիչ դատարանը մերժել է Ռուբեն Վարդանյանի 4-ամսյա կալանքը բեկանելու բողոքը
Քաղաքականություն
29.01.2024 | 11:05
Բաքվի վերաքննիչ դատարանը մերժել է Ադրբեջանում ապօրինի պահվող Արցախի նախկին պետնախարար Ռուբեն Վարդանյանի նկատմամբ կալանքը որպես խափանման միջոց ընտրելու մասին առաջին ատյանի դատարանի որոշման դեմ ներկայացված բողոքը։ Ադրբեջանական լրատվամիջոցների հաղորդմամբ՝ այն քննել է Բաքվի վերաքննիչ դատարանը և մերժել՝ հիմնավորված համարելով առաջին ատյանի դատարանի որոշումը։
Հիշեցնենք, որ օրերս Բաքվի Սաբաիլի շրջանային դատարանը Ռուբեն Վարդանյանի կալանքի ժամկետը երկարաձգել էր ևս 4 ամսով։
Նշենք, որ Վարդանյանի նկատմամբ շինծու մեղադրանքներն առաջադրվել են Ադրբեջանի քրական օրենսգրքի 214-1 ՝ «Ահաբեկչության ֆինանսավորում», 279,3 «Օրենքով չնախատեսված զինված կազմավորումների կամ խմբերի ստեղծմանը և գործունեությանը մասնակցություն» և 318.1 «Օտարերկրացու կամ քաղաքացիություն չունեցող անձի ապօրինի ժամանման կազմակերպում» հոդվածներով։
Հիշեցնենք՝ Բաքուն սեպտեմբերի 27-ին էր առևանգել Ռուբեն Վարդանյանին, ապօրինի ձերբակալել և շինծու մեղադրանքներ առաջադրել։ Այդ ժամանակ ադրբեջանական դատարանը նրան 4 ամսով կալանավորելու որոշում էր կայացրել։
Էմմա Չոբանյան
