25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ԲԴԽ-ն Մանվել Գրիգորյանի դատավոր դստերը նախազգուշացում հայտարարեց` հորեղբոր որդու գործը քննելու համար
Հասարակություն
29.01.2024 | 10:42
Բարձրագույն դատական խորհուրդը քիչ առաջ Մանվել Գրիգորյանի դատավոր դստեր` Նաիրա Գրիգորյանի գործով որոշում հրապարակեց` դատավորին նախազգուշացում կարգապահական տույժի ենթարկելով: ԲԴԽ երկու անդամ` Արշակ Վարդանյանը և Էդգար Հովհաննիսյանը դեմ են քվերակել որոշմանը:
Հիշեցնենք, որ դատավոր Գրիգորյանի նկատմամբ կարգապահական վարույթը հարուցել էր Արդարադստության նախարարը: Ըստ կարգապահական գործի` դատավորը քննել է հարազատ հորեղբոր որդու վերաբերյալ գործը:
Նախարարությանը դիմել էր հենց Գրիգորյանի հորեղբոր որդին` հայտնելով, որ ոչ այնքան լավ հարաբերությունների մեջ է դատավորի հետ, և Նաիրա Գրիգորյանը քննելով գործը՝ նրա դեմ որոշում է կայացրել:
Կարգապահական գործի քննության ընթացքում դատավորը հայտնել է, որ գործը պարզեցված վարույթով է քննել, վարույթ ընդունելիս թեև տեսել է, որ դրանով անցնող անձի անուն, ազգանունն ու հայրանունը համընկնում են հորեղբոր որդու տվյալների հետ, բայց հասցեն այլ է եղել:
Արաքս Մամուլյան
