06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
55-ամյա քաղաքացին հացաբուլկեղենի խանութում կեղծ թղթադրամներ էր իրացրել․ հանգամանքները պարզվում են
Հասարակություն
25.01.2024 | 12:27
ՆԳՆ ոստիկանության Արտաշատի բաժնի քրեական հետախույզները դրամանենգության վերաբերյալ օպերատիվ տեղեկությունն իրացրել են հունվարի 24-ին։ Ձեռնարկված միջոցառումների շնորհիվ պարզվել է, որ արտաշատցի 55-ամյա մի կին իրացնում է կեղծ թղթադրամներ․ տեղեկացնում են ՆԳՆ ոստիկանությունից։
«Պարզվեց նաև, որ նա օրեր առաջ Արտաշատի հացաբուլկեղենի խանութներից մեկում կեղծ թղթադրամ է իրացրել:
Հետագա միջոցառումների արդյունքում անհատ ձեռնարկատիրություններից մեկի տնօրենը ոստիկաններին է ներկայացրել 10 000 դրամ անվանական արժեքով երկու կեղծ թղթադրամ և հայտնել, որ հունվարի 15-ից 20-ն ընկած ժամանակահատվածում 55-ամյա համաքաղաքացին է դրանցով գնումներ արել:
55-ամյա կինը ձերբակալվել և տարվել է ոստիկանության Արտաշատի բաժին:
Հանգամանքները պարզվում են:
Կազմված փաստաթղթերն ուղարկվել են Արարատի մարզային քննչական վարչություն»,- ասված է հաղորդագրությունում։
