09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բաքվի դատարանը ևս 4 ամսով երկարաձգել է Ռուբեն Վարդանյանի կալանքի ժամկետը
Քաղաքականություն
25.01.2024 | 12:04
Բաքվի դատարանը երկարացրել է Ադրբեջանի իշխանությունների կողմից առևանգված Արցախի նախկին պետնախարար Ռուբեն Վարդանյանի խափանման միջոցի ժամկետը, հաղորդում են ադրբեջանական լրատվամիջոցները։ Սաբաիլի շրջանային դատարանը Պետական անվտանգության ծառայությունում քննվող շինծու քրեական գործով որոշել է Ռուբեն Վարդանյանի կալանքի ժամկետը երկարացնել ևս 4 ամսով։
Նշենք, որ Վարդանյանի նկատմամբ շինծու մեղադրանքներն առաջադրվել են Ադրբեջանի քրական օրենսգրքի 214-1 ՝ «Ահաբեկչության ֆինանսավորում», 279,3 «Օրենքով չնախատեսված զինված կազմավորումների կամ խմբերի ստեղծմանը և գործունեությանը մասնակցություն» և 318.1 «Օտարերկրացու կամ քաղաքացիություն չունեցող անձի ապօրինի ժամանման կազմակերպում» հոդվածներով։
Հիշեցնենք, որ Բաքուն սեպտեմբերի 27-ին էր առևանգել Ռուբեն Վարդանյանին, ապօրինի ձերբակալել և շինծու մեղադրանքներ առաջադրել։ Այդ ժամանակ ադրբեջանական դատարանը նրան 4 ամսով կալանավորելու որոշում էր կայացրել։
