25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Թուրքիայի խորհրդարանը հավանություն է տվել Շվեդիայի անդամակցությանը ՆԱՏՕ-ին
Քաղաքականություն
24.01.2024 | 10:31
Թուրքիայի խորհրդարանը երկար ձգձգումներից հետո հավանություն է տվել Շվեդիայի անդամակցությանը ՆԱՏՕ-ին։ Կողմ է արտահայտվել 287, դեմ՝ 55 պատգամավոր: Ակնկալվում է, որ Թուրքիայի առաջնորդ Ռեջեփ Թայիփ Էրդողանը վավերացման փաստաթուղթը կստորագրի մոտ օրերս, գրում է BBC-ի ռուսական ծառայությունը։
Շվեդիան, որը տասնամյակներ շարունակ ռազմական դաշինքների չանդամակցելու քաղաքականություն էր վարում, Ուկրաինայի դեմ ռուսական ագրեսիայի սկսվելուց հետո 2022 թվականին Ֆինլանդիայի հետ միասին որոշեց ՆԱՏՕ-ին անդամակցելու հայտ ներկայացնել։
ՆԱՏՕ-ի անդամներից շատերը արագորեն վավերացրեցին երկու երկրների անդամակցությունը դաշինքին, սակայն Թուրքիան, որը Շվեդիային մեղադրում էր Քրդստանի աշխատավորական կուսակցության անդամներին ապաստան տալու մեջ, հետաձգել էր գործընթացը:
Արդյունքում Ֆինլանդիան ՆԱՏՕ-ի լիիրավ անդամ էր դարձել անցյալ տարվա ապրիլին, մինչդեռ Շվեդիան դեռ չի կարողանում ավարտին հասցնել անդամակցության գործընթացը։
