15.01.2026 | 16:16
Ձեր ներկայությամբ են ինձ հեռացրել, փակել դահլիճի դռները. Դավիթ Հարությունյանի բացարկը՝ ԲԴԽ նախագահին․ ՏԵՍԱՆՅՈՒԹ
«Արթիկ» և «Նուբարաշեն» ՔԿՀ-ների ծառայողները կալանավորված անձանց մոտից հայտնաբերել են թաքցված բջջային հեռախոսներ
Հասարակություն
23.01.2024 | 12:39
Հայաստանի Հանրապետության արդարադատության նախարարության «Արթիկ» քրեակատարողական հիմնարկի հերթապահ խմբի և անվտանգության ապահովման բաժնի ծառայողները, հունվարի 19-ին ստանալով տեղեկություններ կալանավորված անձ Հ․Հ․-ին «Արթիկ» բժշկական կենտրոն ուղեկցած պահպանության ապահովման բաժնի ծառայողներից, ժամը 12։25-ի սահմաններում Հ․Հ․-ին բժշկական կենտրոնից վերադառնալուց հետո ենթարկել են անձնական խուզարկության․ տեղեկացնում են ՔԿԾ-ից։
Խուզարկությամբ վերջինիս գոտկատեղից հայտնաբերվել է 3 բջջային հեռախոս։
Նույն օրը՝ ժամը 13։05-ի սահմաններում, «Նուբարաշեն» քրեակատարողական հիմնարկի ծառայողները խուզարկության են ենթարկել ՁՊՎ-ից հիմնարկ ընդունված կալանավորված անձ Ա․Բ․-ին։
Արդյունքում՝ Ա․Բ․-ի տաբատի գոտու տակից հայտնաբերվել է 2 բջջային հեռախոս։
Դեպքերի առթիվ ձեռնարկվել են համապատասխան միջոցառումներ։
