24.04.2026 | 23:32
Կապանում ջրանջատում կլինի
Արդարացված դատավոր Բորիս Բախշիյանը վնասի փոխհատուցման պահանջ է ներկայացրել դատարան
Հասարակություն
22.01.2024 | 18:44
Սյունիքի մարզի ընդհանուր իրավասության դատարանի դատավոր Բորիս Բախշիյանն ընդդեմ Բարձրագույն դատական խորհրդի աշխատակազմ Դատական դեպարտամենտի և Ֆինանսների նախարարության հայցադիմում է ներկայացրել դատարան՝ վնասի փոխհատուցման պահանջով։ Այս մասին տեղեկանում ենք Դատալեքս դատական-տեղեկատվական համակարգից։
Հիշեցնենք, որ դատավոր Բորիս Բաշխիյանի նկատմամբ 2022 թվականին քրեական հետապնդում է հարուցվել այնհայտ ապօրինի կալանավորելու մեղադրանքով, նա 3 ամիս եղել է կալանքի տակ, սակայն նույն տարվա սեպտեմբերին արդարացվել է։
2023 թվականի սեպտեմբերին դատավորին արդարացնելու դատական ակտը մտել է օրինական ուժի մեջ, և այժմ նա ռեզերվային դատավորի կարգավիճակ ունի։ Դատավորի նկատմամբ քրեական հետապնդում սկսվելու պահին մինչև այժմ նա ստանում է դատավորի աշխատավարձի որոշակի հատվածը, այժմ պահանջում է աշխատավարձի՝ իրեն չվճարված մասը։
Նշենք, որ Քրեական դատավարության օրենսգրքի համաձայն՝ արդարացվածը ռեաբիլիտացիայի իրավունք ունի․ կարող պահանջել աշխատավարձը, թոշակը, անազատության հետևանքով ծախսած գումարը և օգտվել այլ իրավուքններից։
Արդարացվածը նաև կարող է իր նկատմամբ քրեական հետապնդում հարուցած մարմնից պահանջել իրենից հրապարակային ներողություն խնդրել։
Գործը մակագրվել է Երևանի դատարանի դատավոր Սերինե Խաչատրյանին։ Դատավորը վարույթ է ընդունել այն։
Արաքս Մամուլյան
