21.06.2026 | 13:46
Ինչո՞ւ է հնարավոր չէ կարկուտը ճշգրիտ կանխատեսել․ պարզաբանում է Լևոն Ազիզյանը
ԵՄ ԱԳ նախարարները կքննարկեն Հայաստանի ու Ադրբեջանի միջև կարգավորման գործընթացը
Քաղաքականություն
22.01.2024 | 11:13
ԵՄ երկրների ԱԳ նախարարների խորհուրդն այսօր հավաքվելու է Բրյուսելում ԵՄ արտաքին հարաբերությունների ու անվտանգության քաղաքականության բարձր ներկայացուցիչ Ժոզեպ Բորելի նախագահությամբ։ Օրակարգի առանցքային կետերն են Ուկրաինայում պատերազմն ու Իսրայել-ՀԱՄԱՍ հակամարտությունը։ Քննարկում է ծավալվելու նաև Հայաստանի ու Ադրբեջանի միջև հարաբերությունների կարգավորման գործընթացի շուրջ։
ԵՄ խորհրդի պաշտոնական հաղորդագրության համաձայն՝ Ուկրաինայի արտաքին գործերի նախարար Դմիտրի Կուլեբայի հետ կարծիքների փոխանակումից հետո քննարկվելու է Կիևի դեմ ռուսական ագրեսիան։ Այնուհետև խորհուրդը կշարունակի դիտարկել իրավիճակը Մերձավոր Արևելքում, կլինեն ոչ պաշտոնական հանդիպումներ Իսրայելի ԱԳ նախարար Իսրայել Կացի, Սաուդյան Արաբիայի ԱԳ նախարար Ֆաիսալ բին Ֆարհան ալ Սաուդի, Հորդանանի ԱԳ նախարար Այման Սաֆադիի, Եգիպտոսի ԱԳ նախարար Սամեհ Շուքրիի, ինչպես նաև Արաբական լիգայի գլխավոր քարտուղար Ահմեդ Աբուլ Գեյթի և Պաղեստինի ինքնավարության ԱԳ նախարար Ռիադ ալ-Մալիքիի հետ։
Արտաքին հարաբերությունների խորհուրդը կքննարկի նաև ընթացիկ հարցեր, նախարարները կկարողանան մտքեր փոխանակել վերջին զարգացումների և արտաքին հարաբերությունների արագ փոփոխվող զարգացումների վերաբերյալ։
«Ընթացիկ հարցերի շրջանակում խորհուրդը կքննարկի Ադրբեջանը և Հայաստանը»,- ասվում է հաղորդագրությունում։
