13.03.2026 | 11:56
Ալի Խամենեիի կինը ողջ է. հաղորդվել էր ամուսնու հետ նրա մահվան մասին. Fars
Հրդեհի հետևանքով այրվել է Աբխազիայի պետական պատկերասրահի գրեթե ողջ ֆոնդը
Մշակույթ
21.01.2024 | 13:10
Կիրակի գիշերը տեղի ունեցած հրդեհը ոչնչացրել է Աբխազիայի պետական պատկերասրահի գրեթե ողջ ֆոնդը։ Այս մասին ՌԻԱ Նովոստիին հայտնել է հանրապետության փոխնախագահ Բադրա Գյունբան՝ մանրամասնելով, որ դա լուրջ կորուստ է Աբխազիայի մշակույթի համար։
«Մենք գործնականում կորցրել ենք ամբողջ ֆոնդը, որը գտնվում էր այս շենքում, սա լուրջ կորուստ է մեր մշակույթի համար»,- ասել է Գյունբան։ Նրա խոսքով, հրշեջների համակարգված գործողությունների շնորհիվ հնարավոր է եղել կանխել հրդեհի տարածումը դեպի Աբխազական թատրոն և այրված շենքի անմիջական հարևանությամբ գտնվող երգչախմբի փորձասրահ։
Պատկերասրահը գտնվում է Սուխումի կենտրոնում գտնվող երկհարկանի հնագույն շենքի երկրորդ հարկում։ 1963 թվականից այստեղ հավաքվում են ամբողջ Խորհրդային Միության հայտնի նկարիչների գործերը։
Այժմ Աբխազիայի գլխավոր դատախազությունը հետաքննություն է անցկացնում հրդեհի պատճառները պարզելու համար։ Հրշեջներն ու փրկարարները շարունակում են աշխատել։
