08.07.2026 | 22:10
Էրդողանը կոչ է արել ՆԱՏՕ-ում պաշտպանական համագործակցությունը կառուցել առանց խոչընդոտների
Ադրբեջանցիները վերադարձրել են գողացված ոչխարները
20.01.2024 | 15:37
Երեկ երեկոյան ժամը 8-ին ադրբեջանցիները վերադարձրել են Սյունիքի մարզի Տեղ համայնքի Արավուս գյուղի բնակիչ Արմեն Ջահանգիրյանի ոչխարները: Այս մասին Factor.am-ի հետ զրույցում ասաց սահմանամերձ գյուղի բնակիչը։
Նա երեկ էր ահազանգել էր, որ զինված ադրբեջանցիները գողացել են իր 260 ոչխարները։
Արմենը Factor.am-ին տեղեկացրեց, որ ոչխարներից մի քանիսն է պակաս։
Տեղ համայնքի ղեկավար Դավիթ Ղուլունցը ևս Factor.am-ի հետ զրույցում հաստատեց, որ ոչխարները վերադարձվել են։
«Տարել են, հետ էլ բերել են։ Ինչքան տարել են, էդքան էլ բերել են»,- նշեց համայնքի ղեկավարը։
Հարցին՝ ինչպես են կենդանիները ադրբեջանական կողմում հայտնվել, արդյո՞ք ճիշտ է տեղեկությունը, որ դրանք պարզապես առանց հովվի են մնացել ու անցել սահմանը, համայնքապետն արձագանքեց վրդովմունքով․
«Բա որ ադրբեջանցիները չեն տարել, ո՞վ ա տարել։ Նախ անասունը անտեր չի լինում, ո՞վ պիտի տանի։ Եթե ադրբեջանցիք եկել են տարել, ես չեմ հասկանում հարցը»,- նշեց նա՝ հրաժարվելով այլ հարցերի պատասխանել։
