25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ՌԴ Բրյանսկի շրջանում ԱԹՍ-ի հարձակումից հետո նավթի պահեստում հրդեհ է բռնկվել
Քաղաքականություն
19.01.2024 | 14:08
ՌԴ Բրյանսկի շրջանի Կլինցի քաղաքում հունվարի 18-ի լույս 19-ի գիշերն անօդաչու թռչող սարքի հարվածից հետո հրդեհ է բռնկվել նավթի պահեստում։ Այս մասին հայտնել է շրջանի ղեկավար Ալեքսանդր Բոգոմազը, փոխանցում է Meduza-ն։
Նա Տելեգրամի իր ալիքում գրել է, որ ինքնաթիռային տիպի անօդաչուն «խոցվել է ՌԴ ՊՆ ռադիոէլեկտրոնային պայքարի միջոցներով, սակայն ընկնելիս զինամթերքն ընկել է Կլինցովի նավթաբազայի տարածք»։
Նախնական տվյաներով՝ տուժածներ չկան։ Նա նշել է, որ բացի ՌԴ ԱԻՆ այլ ուժերից ու միջոցներից՝ հրդեհի մարման աշխատանքներին ներգրավվել է 13 հրշեջ մեքենա։
ՏԱՍՍ-ն էլ, վկայակոչելով օպերատիվ ծառայություններին, նշում է, որ բռնկված հրդեհի տարածքը 1000 քառակուսի մետր է, այրվում են բենզինով չորս ռեզերվուար։ Տեղական լրատվամիջոցները նշում են, որ նաև հրշեջ գնացք է ուղարկվել դեպքի վայր։
Էմմա Չոբանյան
