23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մենք հուսով ենք՝ Հայաստանն ու Ադրբեջանը որքան հնարավոր է շուտ խաղաղության պայմանագիր կստորագրեն՝ ճանաչելով միմյանց տարածքային ամբողջականությունը․ ԱՄՆ Պետդեպ
Քաղաքականություն
19.01.2024 | 10:53
ԱՄՆ-ն ողջունում է Հայաստանի ու Ադրբեջանի խաղաղության քայլերը։ Այս մասին ճեպազրույցում հայտարարել է ԱՄՆ Պետքարտուղարության խոսնակ Մեթյու Միլլերը՝ պատասխանելով Հայաստանի ու Ադրբեջանի միջև խաղաղության գործընթացի վերջին ջանքերի ու Կովկասյան բանակցությունների հարցերով ավագ խորհրդական Լուիս Բոնոյի Երևան այցի ու Բաքու չմեկնելու մասին հարցին։
«Ուրեմն, ես չեմ պատրաստվում խորանալ դրանց՝ այդ հանդիպումների ստույգ էության մեջ, բացի ասելուց, որ մենք ողջունում ենք աշխատանքը Հայաստանի և Ադրբեջանի միջև խաղաղության ուղղությամբ։ Մենք աջակցում ենք երկու երկրների ինքնիշխանությանը և տարածքային ամբողջականությանը։ Հուսով ենք, որ նրանք կստորագրեն կայուն խաղաղության պայմանագիր, որը կճանաչի ինքնիշխանությունն ու տարածքային ամբողջականությունը, որքան շուտ, այնքան լավ»,- ասել է Միլլերը։
Խոսնակը նշել է, որ կողմերը նշանակալի առաջընթացի են հասել անցած տարվա ընթացքում, և Վաշինգտոնը խրախուսում է նրանց պահպանել թափը` հիմնվելով նախորդ բանակցությունների վրա և համաձայնագիր կնքել:
