03.06.2026 | 13:36
Վոլոդինը հայտարարել է, թե «Հայաստանը ԵՄ-ում կկորցնի իր ինքնությունը, ինչպես արդեն կորցրել է կոնյակը»
Ըստ Լավրովի՝ Երևանը չի կատարում «Սյունիքով ճանապարհի բացման՝ եռակողմ հայտարարությամբ նախատեսված պայմանավորվածությունը»․ ՏԵՍԱՆՅՈՒԹ
Քաղաքականություն
18.01.2024 | 14:08
Երևանը չի կատարում Սյունիքով ճանապարհի բացման՝ եռակողմ հայտարարությամբ նախատեսված պայմանավորվածությունները։ Այս մասին հայտարարել է ՌԴ ԱԳ նախարար Սերգեյ Լավրովը՝ 2023 թվականին ռուսական դիվանագիտության արդյունքների վերաբերյալ ամփոփիչ մամուլի ասուլիսի ժամանակ։
«Կարծում եմ՝ չպետք է ամաչենք այն եռակողմ հայտարարությունների գնահատման կարևորությունից, որոնք ստորագրվել են 2020-2022 թվականներին։ Շատ ցավալի է, որ նման, փաստացիորեն ՀՀ համար շահեկան բանը, ինչպիսին է Սյունիքի մարզով երթուղու բացումը, մինչ օրս մնում է թղթի վրա»,- ասել է Լավրովը։
ՌԴ ԱԳ նախարարի խոսքով՝ հենց Հայաստանն է դժվարանում երթուղիների բացման հարցում, այնպես, ինչպես այն գրված է եռակողմ հայտարարության մեջ։ Նրա խոսով՝ Երևանը նոր պահանջներ է ներկայացնում ճանապարհների անվտանգության վերաբերյալ։
«Չեն ցանկանում, որպեսզի այնտեղ ռուս սահմանապահները կանգնեն, չնայած դա գրված ու ստորագրված է վարչապետ Փաշինյանի կողմից։ Չեն ցանկանում, որպեսզի մաքսային ու սահմանային հսկողությունը չեզոք լինի։ Միայն իրենք, իսկ դա հակասում է պայմանավորվածություններին»,- հայտարարել է Լավրովը։
Մանրամասները՝ տեսանյութում։
