08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
«Զանգեզուրի միջանցքի» մասին երբեք խոսք չի եղել․ Լավրովը նշել է՝ ինչի շուրջ է եղել պայմանավորվածությունը․ ՏԵՍԱՆՅՈՒԹ
Քաղաքականություն
18.01.2024 | 14:03
ՌԴ ԱԳ նախարար Սերգեյ Լավրովը հայտարարել է, որ 2020 թվականին ձեռք բերված պայմանավորվածություններում, այսպես կոչված, «Զանգեզուրի միջանցքի» մասին խոսք չի եղել։
«Վարչապետ Փաշինյանը ինչ-որ մի տեղ ասել էր, որ ՀՀ-ն կտրականապես դեմ է «Զանգեզուրի միջանցքին»։ «Զանգեզուրի միջանցքի» մասին երբեք խոսք չի գնացել այն պայմանավորվածությունների շրջանակում, որոնք ձեռք են բերվել ՌԴ և Ադրբեջանի նախագահների ու վարչապետ Փաշինյանի միջև։ Բոլոր երթուղիների ապաշրջափակվման դեպքում Հայաստանն ու Ադրբեջանը պահպանում են իրենց տարածքում իրավազորությունն ու ինքնիշխանությունը այդ երթուղիների նկատմամբ»,- ասել է Լավրովը 2023 թվականին ռուսական դիվանագիտության արդյունքներին նվիրված մամուլի ասուլիսում։
Նրա խոսքով՝ եռակողմ հայտարարությունը վերաբերում է բոլոր հաղորդակցությունների ապաշրջափակմանը, Հայաստանը պետք է երաշխավորի տրանսպորտային հաղորդակցության անվտանգությունը, իսկ տրանսպորտային հաղորդակցությունների հսկողությունը պետք է իրականացնի ՌԴ ԱԴԾ սահմանային ծառայությունը։
«Այն, որ պարոն Փաշինյանն ասաց, թե ցանկանում է ՀՀ-ով տարանցման նույնպիսի պայմաններ, ինչպիսին կկիրառվեն Իրանի տարածքով տարանցման ժամանակ, ես ոչ մի տրամաբանություն չտեսա։ Եռակողմ աշխատանքային խմբի պայմանավորվածությունների շրջանակում հաստատվել է, որ բոլոր կապերի ու երթուղիների ապաշրջափակման դեպքում երկրները, որոնց տարածքով անցնում է ապաշրջափակված ցանկացած նման երթուղի, ամբողջությամբ պահպանում է իր ինքնիշխանությունն ու իրավազորությունը։ Իր տարածքում, կրկնում եմ ևս մեկ անգամ»,- հայտարարել է ռուսաստանցի պաշտոոնյան։
Մանրամասները՝ տեսանյութում։
