06.10.2026 | 21:45
Հայկ Սարգսյանը և Ավետիք Օրդյանը հեռացվել են «Քաղաքացիական պայմանագիր» կուսակցությունից
Կարևոր է տարածաշրջանում աշխարհաքաղաքական փոփոխությունների բացառումը․Դավոսում հանդիպել են ՀՀ նախագահն ու Իրանի ԱԳ նախարարը
18.01.2024 | 12:02
Դավոսում ընթացող համաշխարհային տնտեսական ֆորումի շրջանակնում ՀՀ նախագահ Վահագն Խաչատրյանն ու Իրանի ԱԳ նախարար Հոսեյն Ամիր Աբդոլահիանը հանդիպում են ունեցել։
Իրանի ԱԳՆ-ի փոխանցմամբ՝ անդրադառնալով Հայաստան իր վերջին այցին, ՀՀ արտգործնախարարի և Ազգային անվտանգության խորհրդի քարտուղարի հետ հանդիպմանը, Աբդոլահիանն ասել է, որ Հայաստանը կարևոր դիրք ունի Իրանի հարևանության քաղաքականության մեջ։ Ըստ նրա՝ երկու երկրների հարաբերությունները զարգանում են, և այդ հարաբերությունների ամրապնդումը բխում է երկու երկրների շահերից։ Նա կարևոր է համարել Կովկասյան տարածաշրջանում կայունության և անվտանգության պահպանումը և նշել.
«Մենք միշտ աջակցել ենք Բաքվի և Երևանի միջև խաղաղ բանակցություններին և կարծում ենք, որ տարածաշրջանում կայունության պետք է հասնենք տարածաշրջանային լուծումների միջոցով»։
Իրանի ԱԳ նախարարն ընդգծել է պատմական տրանսպորտային ուղիների պահպանման կարևորությունը Կովկասի զարգացման գործընթացում և աշխարհաքաղաքական փոփոխությունների բացառումը։
Աբդոլլահիանը, մեջբերելով Գերագույն առաջնորդի խոսքերը, որ «Հայաստանը Իրանի լավ հարևանն է», նշել է, որ Հայաստանի հետ հարաբերությունները զարգացնելու սահմանափակումներ չկան։
ՀՀ նախագահն էլ իր հերթին գոհունակություն է հայտնել երկու երկրների բարեկամական և կառուցողական հարաբերությունների կապակցությամբ, նշել երկու ժողովուրդների պատմական կապերը, նրանց ազդեցությունն ու դրական դերը բարեկամական հարաբերությունների և երկկողմ համագործակցության ընդլայնման գործում։ Վահագն Խաչատուրյանը կոչ է արել ամրապնդել համագործակցությունը երկու երկրների մասնավոր հատվածների միջև։ Նա կարևորել է նաև փոխգործակցության ամրապնդումը տրանսպորտի և տարանցման ոլորտում։
