08.07.2026 | 20:08
Թրամփը վստահություն է հայտնել, որ կարող է հաշտեցնել ՌԴ-ին և Ուկրաինային, «ինչպես արել է Հայաստանի ու Ադրբեջանի դեպքում»
Թանկարժեք օղիներ` կեղծ հոլոգրաֆիկ նշանով. Վաղարշապատի ոստիկանների բացահայտումը
Հասարակություն
18.01.2024 | 11:11
Հունվարի 12-ին ոստիկանության Վաղարշապատի բաժնի քրեական հետախույզները ստացան հավաստի տեղեկություն, որ Արմավիրի մարզի Այգեկ գյուղի բնակիչ, 22-ամյա մի երիտասարդ տանը ապօրինի պահում և վաճառում է կեղծ հոլոգրաֆիկ նշանով տարբեր տեսակի օղիներ․ տեղեկացնում են ՆԳՆ ոստիկանությունից։
Վաղարշապատի քննչական բաժնում նախաձեռնվեց քրեական վարույթ, որի շրջանակներում էլ նույն օրը տեղեկությունը ստուգվեց: Երիտասարդ տանտերը ավտոտնակից և նկուղից ներկայացրեց 49 շիշ տարբեր տեսակի օղի` կեղծ հոլոգրաֆիկ նշանով:
Կազմված փաստաթղթերն ու երիտասարդը ներկայացվել են նախաքննական մարմին: Հանգամանքները պարզվում են:
