«Ովքեր այսօր փնովում են Քոչարյանի փաստաբաններին, գլուխները պատով թող տան»․ փաստաբան․ ՏԵՍԱՆՅՈՒԹ

Լուրեր

22.08.2018 | 11:37
20 տարի Լավրովն ու Պուտինը տեսել են պաշտոնյայի տեսակ, որը պատրաստ է հանձնել ժողովրդի շահը․ Ստեփան Գրիգորյան․ ՏԵՍԱՆՅՈՒԹ
22.08.2018 | 11:34
Դանակահարություններ՝ Գառնիում. կասկածյալը որոնվում է. ՏԵՍԱՆՅՈՒԹ
22.08.2018 | 11:30
Վարչապետի ելույթը` հայ-չինական դպրոցի բացմանը. ՏԵՍԱՆՅՈՒԹ
22.08.2018 | 11:19
Հայաստանի պետական տնտեսագիտական համալսարանի Գյումրու մասնաճյուղում 2014-2018թ. կատարված առերևույթ կոռուպցիոն չարաշահումներ են հայտնաբերվել
22.08.2018 | 11:11
Կամո Արեյանը նոր քաղաքապետի հետ աշխատելու մտադրության մասին. ՏԵՍԱՆՅՈՒԹ
22.08.2018 | 10:58
«Հայ-ռուսական հարաբերություններ․ նոր հնարավորություններ, թե՞ ճգնաժամ» թեմայով քննարկումն՝ ՈՒՂԻՂ
22.08.2018 | 10:49
Արմավիրի մարզում սեպտեմբերից կանցնեն համընդհանուր ներառական կրթության. տրվել է օգոստոսյան խորհրդակցությունների մեկնարկը. ԿԳՆ
22.08.2018 | 10:34
Գեղարքունիքի մարզի որոշ համայնքներում 7 ժամ ջուր չի լինելու
22.08.2018 | 10:31
Վարչապետը մասնակցում է «Հայ-չինական» դպրոցի բացմանը. ՈՒՂԻՂ
22.08.2018 | 10:17
ԱԺ պատգամավորների օգնականները ամառային արձակուրդը երբեք «թղթով» չեն ձևակերպել. «Հրապարակ»
22.08.2018 | 10:01
Ստուգվել է մոտ կեսը. ընտրացուցակները մաքրեու հավերժական խնդիրը. «Ժողովուրդ»
22.08.2018 | 09:44
Երկրի արդարադատության թիվ մեկ պատասխանատուն՝ դատավորների գործունեության մասին. «Ժողովուրդ»
22.08.2018 | 09:29
Հայաստանում որակապես բոլորովին այլ իրավիճակ է. Ուկրաինայում Հայաստանի դեսպան Անդրանիկ Մանուկյանը հրաժարական է տալիս
22.08.2018 | 09:14
Սերժի Վաչոյի մանկավարժ կնոջը մեղադրանք է առաջադրվել, վերջինս ցուցմունքը մաքրագրել է՝ ջնջումներով չլինի. «Հրապարակ»
22.08.2018 | 08:59
 Էջմիածնում փակվել են Մանվել Գրիգորյանի ընտանիքին պատկանող գաղալցակայանները. «Ժողովուրդ»
Բոլորը

Փաստաբան Տիգրան Աթանեսյանը մեղադրող լինելու դեպքում Ռոբերտ Քոչարյանին սահմանադրական կարգը տապալելու մեղադրանք չէր ներկայացնի, այլ միայն՝ պաշտոնական դիրքի չարաշահում։

«Ասում են սահմանադրական կարգ է տապալվել։ Ի՞նչ է նշանակում՝ եղե՞լ է էդ սահմանադրական կարգը։ Այսինքն, 2003-ին օրինակա՞ն է ընտրվել։ Եթե օրինական է ընտրվել, լրիվ վիճակ է փոխվում։ Եթե ոչ, ուրեմն սահմանադրական կարգ չի էլ եղել»,-վերլուծում է փաստաբանը։

Նա ենթադրում է, որ Ռոբերտ Քոչարյանին ներկայացված մեղադրանքը դատարանում կտապալվի կամ ապացուցելը շատ դժվար կլինի

«Ենթադրենք, Քոչարյանն օգտագործեց բանակ։ Սխալ արեց, պետք է պատասխան տա։ Բայց եթե քո ընտրությունները վավեր են,-ՍԴ որոշումը դեռ ուժի մեջ է,-չկա տապալում։ Պարզապես ընդդիմության ընդվզում է եղել, օրենքի խախտմամբ են ճնշել։ Որքան հասկացա, մեղադրանքի հիմքում դրված է այդ չարաբաստիկ հրամանը։ Իսկ եթե վաղը Միքայել Հարությունյանը գա ու ասի, որ Քոչարյանը անտեղյակ է այդ հրամանից, ես եմ ստորագրել այդ հրամանը։ Իսկ մարդկանց վրա կրակել է մեկի հրամանով, որն ուղղակի ուզում էր Քոչարյանի աչքում երեւալ, ի՞նչ են ասելու էդ դեպքում»,-ասում է փաստաբանը։

Նույնիսկ կանխորոշված դատավճռի դեպքում Տիգրան Աթանեսյանը չի շտապի Ռոբերտ Քոչարյանին անվանել քաղաքական բանտարկյալ․ «Եթե տապալվեց այս մեղադրանքը, քաղբանտարկյալ չէի ասի, բայց կատարելապես ոչ պրոֆեսիոնալ իրավապահ մարմին կարող էի ասել»։

Տիգրան Աթանեսյանն այսօր չի հասկանում, թե ինչով են բացատրվում նախկին իշխանությոան ներկայացուցիչների դեմ քրեական գործերի մեջ ներգրաված փաստաբանների նկատմամբ վերջին հարձակումները

«Առաջինը՝ իմ կարծիքով մեր հանրության մի որոշ հատվածի պարզապես զրոյական իրավագիտակցությունն է եւ եւ տարրական դաստիարակության եւ բարոյականության պակասը կամ անգամ բացակայությունը»,-վստահեցնում է նա։

Փաստաբանն ինքն էլ դարձել է ֆեյսբուքյան որոշ օգտատերերի հարձակման զոհ Մասիսի քաղաքապետի պաշտպանությունն ստանձնելու պահից։

«Ես չեմ պատկերացնում ինչ բարոյական նկարագիր կարող է ունենալ մարդ, որ իմ 5 տարեկան որդու նկարների տակ հայհոյանք գրի։ Ի՞նչ բարոյական նկարագիր ինքը ունի, իր ընտանիքը, իր ծնողները եւ մնացածը։ Կարելի է ամենավերջին բառերն էլ օգտագործել եւ քիչ կլինի»,-զայրացած է փաստաբանը։

Նա համոզված է՝ բոլորն ունեն փաստաբանի իրավունք, ոչ մի երաշխիք չկա, որ հանցագործության մեջ մեղադրվողն անմեղ չէ։

«Եվ եթե մարդիկ անում են իրենց գործը, ու դա քո դուրը չի գալիս, դու ո՞վ ես, որ քո դուրը գա-չգա։ Քոչարյանի պաշտպանների գործը պետք է գնահատի միայն Քոչարյանը»,-պնդում է պարոն Աթանեսյանը։

Ինքն անձամբ չէր համաձայնվի պաշտպանել Ռոբերտ Քոչարյանին, իր մեջ հիմա էլ կռվում են մարդը եւ փաստաբանը։ Անձամբ մասնակցել է մարտի 1-ի ցույցերին եւ այդ օրվա իրավապահ մարմինների բազմաթիվ ապօրինությունների վկան է, սակայն այդ ամենը պատճառ չէ, որ երկրորդ նախագահին դատեն առանց պաշտպանվելու իրավունքի։

«Որպես իրավաբան, ես սարսափում եմ այն մտքից, որ թե առաջադրված մեղադրանքը, թե հետապնդման ձեւերը, թե արդար դատավարության պայմանների կատարյալ բացակայությունը,-հենց պաշտպանների նկատմամբ ճնշումը դա է վկայում,-բերելու են նրան, որ ժողովրդի երազած բաղձալի պատիժը չի իրականանա, իսկ իրականանալու դեպքում տեղի կունենա այնպիսի խայտառակ խախտումներով, որ մի օր միջազգային ատյանների կողմից կբեկանվի։ Եվ նրանք, որոնք այսօր փնովում են Քոչարյանի փաստաբաններին, գլուխները պատով թող տան, որովհետեւ մեղավորներից մեկն իրենք են»,-նկատում է Տիգրան Աթանեսյանը։

Այսօր նա չի սպասում, թե Փաստաբանների պալատը պետք է արձագանքի Քոչարյանի պաշտպանների դեմ հարձակումներին։ Նա պալատից սպասելիքներ չունի։ Փոխարենն ըստ նրա, պետք է խոսեր արդարադատության նախարարը։

«Արդարադատության նախարարը պետք է իր խոսքը ասեր, բայց լռություն է։ Արդարադատության նախարարին առհասարակ շատ հարցեր կան։ Ինքը պետք է աներ, չի արել։ Էդ պատճառով է, որ կասկածում եմ, որ միգուցե ֆեյսբուքյան բանակները, որոնք որ պետք էին հեղափոխության համար միգուցե մնացել են պարապ, կամ ստացել են նման հանձնարարականներ, որոնք ցավոք սրտի կատարում են»,-ասում է փաստաբանը։

Փաստաբանը բոլորին հիշեցնում է, թե ինչու տեղի ունեցավ թավշյա հեղափոխությունը՝ որպեսզի ազատվենք Քոչարյանի եւ Սերժ Սարգսյանի ժամանակների անպատժելիությունից եւ անարդար դատաքննություններից։

Մհեր Արշակյան

Մանրամասները՝ տեսանյութում։