12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ինչու Փաշինյանը չի մեկնել Դավոս
Քաղաքականություն
17.01.2024 | 11:11
ՀՀ վարչապետ Նիկոլ Փաշինյանը չի մասնակցում Դավոսի Համաշխարհային տնտեսական համաժողովին։ Հայաստանը ներկայացնում է ՀՀ նախագահ Վահագն Խաչատուրյանը։
Նշենք, որ Նիկոլ Փաշինյանը միայն 2019 թվականին էր մեկնել Դավոս։ 2022, 2023 թվականներին ևս վարչապետը չէր մեկնել Շվեյցարիա։
Թե ինչու լիազորությունների լայն շրջանակներ ունեցող Փաշինյանի փոխարեն որոշում կայացնելու գրեթե ոչ մի լիազորություն չունեցող նախագահն է մասնակցում Համաշխարհային տնտեսական համաժողովին, ՀՀ կառավարությունից առաջարկեցին մեկնաբանություն ստանալ Արտաքին գործերի նախարարությունից, գերատեսչության մամուլի խոսնակի հետ կապ հաստատել չհաջողվեց։
Ուշագրավ է, որ Համաշխարհային տնտեսական ֆորումի մեկնարկին զուգահեռ ԵՏՄ պաշտոնական կայքում հրապարակվել էր Նիկոլ Փաշինյանի ուղերձը միության անդամ երկրների ղեկավարներին` ՀՀ-ի կողմից ԵՏՄ-ում նախագահությունը ստանձնելու առթիվ։
Դավոսի Համաշխարհային տնտեսական ֆորումը շվեյցարական ոչ կառավարական կազմակերպություն է։ Այն 1971 թվականից ամենամյա հանդիպումներ է անցկացնում բիզնեսի առաջատար ներկայացուցիչների, քաղաքական առաջնորդների ու տարբեր ոլորտների փորձագետների հետ:
