15.09.2026 | 09:45
Արտարժույթների փոխարժեքները՝ սեպտեմբերի 15-ի դրությամբ
Նուայիմին աջակցություն է հայտնել «Խաղաղության խաչմերուկ» նախագծին․ Արմեն Գրիգորյանն ընդունել է ԱՄԷ-ի Դաշնային ազգային խորհրդի պատվիրակությանը
Քաղաքականություն
16.01.2024 | 17:30
Հունվարի 16-ին ընդունել եմ Արաբական Միացյալ Էմիրությունների Դաշնային ազգային խորհրդի պատվիրակությանը՝ Դաշնային ազգային խորհրդի պաշտպանության, ներքին գործերի և արտաքին հարցերով հանձնաժողովի նախագահ Ալի Ռաշիդ Ալ-Նուայիմի գլխավորությամբ․ սոցցանցում արված գրառմամբ տեղեկացրել է ՀՀ ԱԽ քարտուղար Արմեն Գրիգորյանը։
Գոհունակությամբ արձանագրել ենք ՀՀ-ԱՄԷ տնտեսական հարաբերությունների ինտենսիվ զարգացումը, որի շրջանակներում 2023թ.-ի առևտրաշրջանառությունը հասել է 2,8 մլրդ դոլարի` արձանագրելով 185 տոկոս աճ՝ 2022թ.-ի համեմատ: Քննարկել ենք նաև երկկողմ հետաքրքրություն ներկայացնող ոլորտների շրջանակներում համագործակցության հնարավորությունները:
Ա.Ռ Ալ-Նուայիմին աջակցություն է հայտնել ՀՀ կառավարության կողմից ներկայացված «Խաղաղության խաչմերուկ» նախագծին, ինչի շրջանակներում քննարկել ենք տարածաշրջանային համագործակցությունը:
