15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
17-ամյա տղան օդաճնշիչ հրացանով կրակել է 11-ամյա երեխայի վրա․ ՔԿ
Հասարակություն
16.01.2024 | 16:20
Հունվարի 6-ին, ժամը 20.30-ին Երևան քաղաքի Արմենակյան փողոցում գտնվող հյուրանոցի հետնամասում անչափահասի կողմից մեկ այլ անչափահասի վրա տիրի (օդաճնշիչ) հրացանով կրակելու, ֆիզիկական ներգործություն ունենալու վերաբերյալ ստացված հաղորդման առթիվ ՀՀ Քննչական կոմիտեում նախաձեռնվել է քրեական վարույթ` ՀՀ քրեական օրենսգրքի 171-րդ հոդվածի 2-րդ մասի 4-րդ կետի հատկանիշներով։ Այս մասին Factor.am-ին հայտնեցին Քննչական կոմիտեից։
Անչափահասը, ում վրա առերևույթ կրակել են, տուժող է ճանաչվել, նշանակվել է դատաբժշկական փորձաքննություն։ Նախաքննությամբ հանգամանքները պարզվում են։
Հիշեցնենք, որ ավելի վաղ shamshyan.com-ը դեպքին անդրադարձել էր «Արտառոց դեպք՝ Երևանում․ «Ողջ մնալու արվեստ» ռազմահայրենասիրական կազմակերպության 17-ամյա սանը օդամղիչ ինքնաձիգով մի քանի անգամ կրակել է 11-ամյա երեխայի վրա՝ պատճառելով մարմնական վնասվածքներ» վերնագրով հրապարակմամբ, ինչը տարածում էր գտել նաև այլ լրատվական կայքերում։ Ըստ աղբյուրի՝ միջադեպը տեղի է ունեցել կազմակերպության վարժանքի ժամանակ։
Հրապարակումներին արձագանքել է «Ողջ մնալու արվեստ» ռազմահայրենասիրական կազմակերպությունը։ ՈՄԱ-ի փոխտնօրեն Վաղինակ Վարդանովի պարզաբանման մեջ ասվում է․ «Հունվարի 6-ին Հովհաննես Մացակյանը, որը մոտ մեկ տարի առաջ՝ 2023 թ․ սկզբին, մասնակցել է ՈՄԱ-ի դասընթացներին, այցելել է ՈՄԱ-ի կենտրոն։ Տարածքում գտնվող հանրակացարանի բակում մշտապես խաղացող երեխաների հետ այդ օրը եղել է նաև Հովհաննեսը։ Խաղի արդյունքում վերջինս խանութից ձեռք բերված խաղալիքով կրակել է 11-ամյա Վոլոդյայի վրա։ Ցանկանում եմ նշել, որ ՈՄԱ-ի դասընթացները վերսկսվել են միայն հունվարի 8-ից՝ դեպքից երկու օր անց, և տարածքում ՈՄԱ-ի որևէ հրահանգիչ չի եղել։ Հորդորում եմ նման բնույթի տեղեկությունը տարածելուց առաջ կապվել նախ մեզ հետ՝ պարզաբանելու, թե իրականությունն ինչպես է եղել»:
