Քաղաքականություն
15.01.2024 | 19:20
ՀՀ ԱԳՆ-ն X-ում գրառմամբ անդրադարձել է 1990 թվականի այս օրերին Ադրբեջանում իրականացված հայ բնակչության ջարդերին ու բռնի տեղահանմանը։
«34 տարի առաջ այս օրերին Բաքվում հայերի դեմ իրականացված ջարդերը դարձան Ադրբեջանական ԽՍՀ-ից հայ բնակչության բռնի տեղահանման և էթնիկ զտումների քաղաքականության գագաթնակետը։ Հարյուրավոր մարդիկ սպանվեցին, անդամահատվեցին և անհետացան, կես միլիոնը փախստական դարձավ։ Մենք հարգանքի տուրք ենք մատուցում անմեղ զոհերի հիշատակին և ընդգծում նման քաղաքականության կանխարգելման ու բոլոր իրավունքները հասցեագրելու անհրաժեշտությունը»,- ասվում է ՀՀ ԱԳՆ գրառման մեջ:
Էմմա Չոբանյան
