25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
Բաքվի դատարանը մերժել է Վագիֆ Խաչատրյանի վերաքննիչ բողոքը և անփոփոխ թողել ապօրինի դատավճիռը
Քաղաքականություն
15.01.2024 | 12:58
Բաքվի վերաքննիչ դատարանը, դատավոր Հասան Ահմեդովի նախագահությամբ, անփոփոխ է թողել Լաչինի միջանցքում ադրբեջանցի ուժայինների կողմից առևանգված արցախցի Վագիֆ Խաչատրյանի նկատմամբ առաջին ատյանի դատարանի կայացրած որոշումը։
Նշենք, որ Վագիֆ Խաչատրյանը վերաքննիչ բողոք էր ներկայացրել ադրբեջանական դատարանի՝ իրեն 15 տարի ժամկետով ազատազրկման դատապարտելու որոշումը։
Հիշեցնենք՝ նոյեմբերի 7-ին Բաքվի ռազմական դատարանը Վագիֆ Խաչատրյանին 15 տարվա ազատազրկման էր դատապարտել։ Չնայած իր դեմ ճնշումներին՝ Խաչատրյանը դատական նիստերում պարբերաբար հայտարարում էր, որ որևէ հանցանք չի գործել և իրեն մեղավոր չի ճանաչում։ Այնուհետև ադրբեջանական ԶԼՄ-ները տեղեկություններ տարածեցին, որ Խաչատրյանի նկատմամբ կայացված դատավճիռը բեկանելու վերաբերյալ բողոք է ներկայացվել Բաքվի վերաքննիչ դատարան։
Հավելենք, որ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։
Էմմա Չոբանյան
