06.10.2026 | 21:45
Հայկ Սարգսյանը հեռացվել է ՔՊ-ից
Ադրբեջանի կողմից ՀՀ-ի դեմ նախաձեռնած արբիտրաժային գործընթացի շրջանակում ընթացակարգային նիստ է տեղի ունեցել
Քաղաքականություն
12.01.2024 | 15:32
Հունվարի 12-ին Հաագայի մշտական արբիտրաժային դատարանի կենտրոնակայանում տեղի է ունեցել դատավարական լսում՝ Ադրբեջանի կողմից Հայաստանի դեմ նախաձեռնած միջպետական արբիտրաժային գործընթացի շրջանակում։ Այս մասին հայտնում է Ադրբեջանի ԱԳՆ-ն։
Նշվում է, որ Բաքուն նիստի ընթացքում ներկայացրել է ԱԳ փոխնախարար Էլնուր Մամեդովի գլխավորած պատվիրակությունը։
Հիշեցնենք՝ Ադրբեջանը 2023 թվականի փետրվարի 27-ին, Էներգետիկ խարտիայի համաձայնագրի համաձայն, միջպետական արբիտրաժային գործընթաց էր սկսել Հայաստանի դեմ։ Ադրբեջանական կողմը Հայաստանին ներկայացրած արբիտրաժային ծանուցմամբ պահանջում է ֆինանսական փոխհատուցում 1991-2020 թվականներին, իբր, էներգետիկ ռեսուրսների նկատմամբ Ադրբեջանի ինքնիշխան իրավունքների խախտման համար։ Բաքուն Հայաստանին մեղադրում է, իբր, էներգետիկ ռեսուրսների ապօրինի շահագործման մեջ։
Գործի առնչությամբ Միջազգային իրավական հարցերով ՀՀ ներկայացուցչի գրասենյակը հայտարարություն էր տարածել՝ նշելով, որ Լեռնային Ղարաբաղի հակամարտության վերաբերյալ Ադրբեջանի պնդումները որևէ առնչություն չունեն էներգետիկ ոլորտում ներդրումների և առևտրի հետ կապված Էներգետիկ խարտիայով նախատեսված պարտավորությունների հետ։
Էմմա Չոբանյան
