15.09.2026 | 09:45
Արտարժույթների փոխարժեքները՝ սեպտեմբերի 15-ի դրությամբ
Շարունակում ենք հավատալ, որ Հայաստանի և Ադրբեջանի միջև հնարավոր է տևական խաղաղություն․ԱՄՆ Պետդեպ
Քաղաքականություն
12.01.2024 | 11:12
ԱՄՆ Պետքարտուղարության փոխխոսնակ Վեդանտ Պատելը ճեպազրույցում անդրադարձել է Կովկասյան բանակցությունների հարցով ավագ խորհրդական Լուիս Բոնոյի Հայաստան այցին։
«Մենք շարունակում ենք հավատալ, որ Հայաստանի և Ադրբեջանի միջև հնարավոր է տևական խաղաղություն։ Դա մի բան է, որի ուղղությամբ դեպարտամենտը կշարունակի աշխատել։ Ակնհայտ է, որ համակարգող Բոնոն, պետքարտուղարը և մյուսները շարունակում են խորապես ներգրավված լինել այս հարցում: Ես պարզապես այս պահին ձեզ համար թարմացումներ չունեմ»,-ասել է Պատելը։
Պատասխանելով հարցին, թե պետքարտուղարի Եվրոպայի ու Եվրասիայի հարցերով տեղակալ Ջեյմս Օ’ Բրայենը ցանկություն է հայտնել երկու երկրների հետ քննարկել ամբողջական օրակարգը, Պատելը նշել է, որ ավելացնելու ոչինչ չունի, երբ լինի՝ կկիսվեն համապատասխան տեղեկատվությամբ։
