13.05.2024 | 23:30
Բեռլինը դեմ է Ուկրաինայի հակաօդային պաշտպանությանը ՆԱՏՕ-ի մասնակցելուն
Վահե Գևորգյանը նշանակվել է Չինաստանում ՀՀ դեսպան
Քաղաքականություն
11.01.2024 | 16:53
ՀՀ նախագահի աշխատակազմից տեղեկացնում են, որ նախագահ Վահագն Խաչատուրյանի հրամանագրով Վահե Գևորգյանը նշանակվել է Չինաստանում ՀՀ դեսպան։
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի և «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի.
Վահե ԳԵՎՈՐԳՅԱՆԻՆ նշանակել Չինաստանի Ժողովրդական Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Պեկին)»,- ասված է հրամանագրում։
Նշենք, որ մինչ այդ մեկ այլ հրամանագրով նույն պաշտոնից հետ է կանչվել Սերգեյ Մանասարյանը։
Հիշեցնենք նաև, որ երեկ ՀՀ վարչապետի որոշմամբ ՀՀ ԱԳ փոխնախարարի պաշտոնից ազատվել էր Վահե Գևորգյանը։
