04.04.2026 | 17:21
Հրդեհ է բռնկվել Երևանի սուպերմարկետներից մեկի պահեստային տարածքում
Ադրբեջանը հրաժարվե՞լ է ընդունել Լուիս Բոնոյին․ ՀՀ-ում ԱՄՆ դեսպանատան մեկնաբանությունը՝ Factor TV-ի հարցմանն ի պատասխան
Քաղաքականություն
11.01.2024 | 15:58
Հայաստանում ԱՄՆ դեսպանատունը Factor TV-ի հարցմանն ի պատասխան մեկնաբանել է ադրբեջանական լրատվամիջոցների այն տեղեկությունը, ըստ որի՝ Ադրբեջանը հրաժարվել է ընդունել Կովկասում բանակցությունների գծով ԱՄՆ պետքարտուղարի ավագ խորհրդական, ԵԱՀԿ Մինսկի խմբի համանախագահ Լուիս Բոնոյին, որը ցանկացել է հանդիպել Ալիևի հետ Երևան կատարած այցից հետո։ Ադրբեջանական ԶԼՄ-ները վկայակոչել էին իրենց դիվանագիտական աղբյուրին։
ՀՀ-ում ԱՄՆ դեսպանատունը նշում է․ «Կովկասյան բանակցությունների գծով ավագ խորհրդական Լուիս Բոնոն հաճախ է այցելում տարածաշրջան՝ քննարկելու ԱՄՆ-ի աջակցությունը խաղաղության գործընթացին և կայուն ու արժանապատիվ խաղաղության հասնելու ուղիները։ Խաղաղության գործընթացին աջակցելու նպատակով պարոն Բոնոն պարբերաբար հանդիպումներ է ունենում հիմնական շահագրգիռ կողմերի հետ՝ Հայաստանում և Ադրբեջանում։ Մենք պատրաստ ենք օգնել ցանկացած գործընթացի, որը խաղաղություն և կայունություն կբերի Հարավային Կովկասի ժողովուրդներին»։
Ռոբերտ Անանյան
