01.11.2024 | 23:19
Հրդեհ Գյումրու տներից մեկում
«Ջերմուկը մեր նախկին քաղաքն է»․ Ալիևի անթաքույց հավակնությունները՝ ՀՀ տարածքի նկատմամբ
Քաղաքականություն
11.01.2024 | 11:54
Ադրբեջանի նախագահ Իլհամ Ալիևը Ջերմուկը «Ադրբեջանի նախկին քաղաք» է անվանել։ Այս մասին նա խոսել է ադրբեջանական հեռուստաալիքներին տված հարցազրույցում։ Նա դժգոհել է, որ մի շարք երկրներ Ադրբեջանին մեղադրում են ՀՀ-ի վրա հարձակվելու մտադրության մեջ։
«Ես արդեն ասել եմ այդ մասին, ևս մեկ անգամ ցանկանում եմ անկեղծորեն ասել, որ ցանկության դեպքում մենք կմտնեինք ու առաջ կգնայինք։ Ջերմուկ քաղաքը մեր նախկին քաղաքն է, որի իրական անունը Իստիսու է ու գտնվում էր մեր դիմաց։ Ո՞վ մեզ կկանգնեցներ, մենք նման մտադրություն չունեինք»,-հայտարարել է Ալիևը՝ արդարանալով, թե Ադրբեջանի նպատակն էր «պաշտպանել իր սահմանները»։
«Մեր ձեռքում պետք է լինեին նման բարձունքներ, որպեսզի մենք կարողանայինք մեր աչքով տեսնել, թե ինչ են պլանավորում հայերը»,-ասել է նա։
Ալիևի խոսքով՝ արևմտյան հյուրերից մեկն իրեն ասել է, որ կարող էին արբանյակներով հետևել։ «Ես պատասխանեցի, իմ արբանյակն իմ աչքերն են։ Ես պետք է իմ աչքերով տեսնեմ։ Արբանյակը սարքավորում է, այն կարող է շարքից դուրս գալ կամ դուք այն կանջատեք, այն ձեր ձեռքերում է»,-ասել է Ալիևը։
