05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Պետական գերատեսչությունները Երևանի կենտրոնից կտեղափոխվեն, կառավարական թաղամաս կստեղծվի․ Գրիգոր Մինասյան
08.01.2024 | 14:41
«Կար գաղափար, որպեսզի արդարադատությանը վերաբերող շենքերը, շինությունները տեղավորվեին մեկ վայրում, բայց հետո, իմ կարծիքով, ավելի ճիշտ որոշում է կայացվել՝ ստեղծել կառավարական թաղամաս։ Այսինքն՝ ոչ թե Արդարադատության նախարարությունը, Դատախազությունը, այլ բոլոր պետական գերատեսչությունները կենտրոնից դուրս գան, գնան քաղաքին մոտ, բայց իրականում մարզում տեղակայվեն»,- այսօր կայացած մամուլի ասուլիսում հայտնեց արդարադատության նախարար Գրիգոր Մինասյանը։
Ըստ Մինասյանի՝ կառավարական թաղամաս կառուցելն ունի մի շարք առավելություններ։
«Ե՛վ կենտրոնը կբեռնաթափվի, և՛ այս հսկայական շինությունները, որոնք զբաղեցնում են պետական չինովնիկները, կտրվեն բիզնեսին․ վարձակալություն, վաճառք, այսինքն՝ շահույթ կգեներացվի»,- ասաց Մինասյանը՝ նշելով, որ միջազգային փորձում այս մոդելը կիրառվում է։
Ըստ արդարադատության նախարարի՝ արդեն այս տարի ակնկալվում է ունենալ կառավարական թաղամասի մոդելը։
Արաքս Մամուլյան
