21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
ԱՄՆ Կոնգրեսը համաձայնության է եկել 2024 թվականի բյուջեի շուրջ
Քաղաքականություն
08.01.2024 | 10:30
ԱՄՆ Կոնգրեսի Դեմոկրատական ու Հանրապետական կուսակցությունների ներկայացուցիչները համաձայնության են եկել երկրի 2024 թվականի բյուջեի շուրջ։
«Համաձայնությունը մեզ մոտեցնում է նրան, որ կանխի կառավարության անհարկի շաթդաունն ու պաշտպանի կարևոր ազգային առաջնահերթությունները»,-հայտարարել է ԱՄՆ նախագահ Ջո Բայդենը, փոխանցում է DW-ի ռուսական ծառայությունը։
Համաձայնագիրը նախատեսում է 1,6 տրիլիոն դոլարի բյուջե։ Ըստ ներկայացուցիչների պալատի խոսնակ Մայք Ջոնսոնի և Սենատի դեմոկրատների առաջնորդ Չակ Շումերի՝ մոտ 886 մլրդ դոլարը կուղղվի պաշտպանության ծախսերին:
«Այսպիսով, ԱՄՆ կառավարությունը կկարողանա պաշտպանել կարևոր ներքին առաջնահերթությունները, ինչպիսիք են վետերաններին կամ առողջապահական ծառայություններին աջակցությունը», – ընդգծել է Շումերը:
Պաշտպանական բյուջեի նախագիծը, որը համաձայնեցվել է ամերիկյան օրենսդիր մարմնի երկու պալատների համապատասխան հանձնաժողովների կողմից, ներառում է 300 մլն դոլար՝ Ուկրաինային ռազմական օգնության համար։ Օրենսդիրները մտադիր են նաև 2025 ֆինանսական տարում 300 մլն դոլար հատկացնել նույն կարիքների համար, եթե անհրաժեշտ լինի։ Ընդհանուր առմամբ, Կիևին օգնությունը երկարաձգվել է մինչև 2026 թվականի վերջ։
