15.01.2026 | 20:09
Զախարովան մեկնաբանել է Սոլովյովի հայտարարությունները
Երևան-Գյումրի ավտոճանապարհին բեռնատարը կողաշրջվել է ձորակում
06.01.2024 | 17:12
Հունվարի 6-ին՝ ժամը 13։48-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մաստարա-Լանջիկ ավտոճանապարհին՝ մերկասառույցի պատճառով, ավտոմեքենան դուրս է եկել ճանապարհի երթևեկելի հատվածից և հայտնվել փոսում․ դուրս բերելու համար անհրաժեշտ է փրկարարների օգնությունը։
ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Գյումրի ավտոճանապարհի 91-րդ կմ-ին տեղի է ունեցել ՃՏՊ՝ «Volkswagen» մակնիշի բեռնատարը դուրս է եկել ճանապարհի երթևեկելի հատվածից և կողաշրջվել հարակից ձորակում։
Փրկարարներն ուղղել և ճանապարհի երթևեկելի հատված են դուրս բերել «Volkswagen» մակնիշի բեռնատարը (վարորդ՝ Ա. Գ., և երկու ուղևոր)։
