05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Ո՛չ իշխանության, ո՛չ ընդդիմության լիդերները չէին մասնակցում Գարեգին Բ-ի ձեռամբ մատուցվող պատարագին
06.01.2024 | 15:04
Կաթողիկոս Գարեգին Բ-ի ձեռամբ այսօր Երևանի Սուրբ Գրիգոր Լուսավորիչ եկեղեցում մատուցվեց Սուրբծննդյան պատարագ։
Հայրապետական պատարագին ներկա չէր Հայաստանի քաղաքական ղեկավարության որևէ ներկայացուցիչ։ Նիկոլ Փաշինյանն արդեն մի քանի տարի է, որ չի մասնակցում Սուրբծննդյան պատարագին։ Նախկինում ներկա էին լինում ՀՀ վարչապետը, ՀՀ նախագահը, ԱԺ նախագահը, նախարարներ, Երևանի քաղաքապետը և այլ պաշտոնատար անձինք։
Մայր Աթոռ-իշխանություններ հարաբերությունները լարվել են 44-օրյա պատերազմի հետո, երբ Գարեգին Բ-ն պահանջեց Նիկոլ Փաշինյանի հրաժարականը։
Չնայած Գարեգին Բ-ի և ընդդիմություն ջերմ հարաբերություններին, Սուրբծննդյան պատարագին ներկա չէին նաև ընդդիմության լիդերները՝ ո՛չ Ռոբերտ Քոչարյանը, ո՛չ Սերժ Սարգսյանը։
Պատարագին այսօր ներկա էին իշխանությունից Էդմոն Մարուքյանը, իսկ ընդդիմությունից Լիլիթ Գալստյանն ու Արթուր Խաչատրյանը, ինչպես նաև պատգամավորական մանդատ չունեցող որոշ ՀՀԿ-ականներ։
ՍԴ դատավոր Հրայր Թովմասյանը ևս ներկա էր պատարագին։
