24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
ԿԱՅԾԵՐ. Դատապարտվածն իրակա՞ն մարդասպանն էր․ դեռահաս աղջկա ահասարսուռ սպանությունից 13 տարի անց
Հաղորդաշարեր
07.07.2017 | 19:29
Նարինե Նալբանդյանը 13 տարի սպասել է արդարացման դատավճռի։ Ազատազրկման ժամկետի ավարտին մնում է 6 ամիս։ Նա դատապարտվել է 2004 թվականին Վարդենիսում կատարված մի մութ հանցագործության համար։ Սպանվել էր դեռահաս աղջիկ։ Մարմինը հայտնաբերել էին հին կաթսայատան հորում։ Ոստիկանությունը կալանավորել էր Նարինե Նալբանդյանի ողջ ընտանիքին՝ ամուսնուն, երեխաներին, բոլորին ստիպել էր ինքնախոստովանական ցուցմունքներ տալ։
Սա այն եզակի գործերից է, որով պաշտպանական կողմին դատարանում զրկեցին ճառ ասելու հնարավորությունից, դատական նիստերն անցնում էին տուրուդմբոցով։ Մարդու իրավունքների եվրոպական դատարանը դեռ երկու տարի առաջ՝ 2015 թվականի ապրիլին, արձանագրեց, որ պետությունը խախտել է Նալբանդյանների արդար դատաքննության և դատական մարմիններում պաշտպանության իրավունքը, և 62 հազար եվրո փոխհատուցում սահմանեց: Նոր դատաքննություն է սկսվել, իսկ խոշտանգումների մասով նախաքննություն է ընթանում։ Բայց Հայաստանի իրավապահները, դատարանը չեն շտապում բացահայտել ճշմարտությունը։
Սպանված աղջկա մայրը ապրում է վշտով։ Նա առաջին անգամ է սիրտը բացել լրագրողի առաջ։
Սյուզան Սիմոնյան
