13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԿԽՄԿ-ն դեկտեմբերին տեսակցել է Ադրբեջանում պահվող անձանց, ծանրոցներ փոխանցել
Հասարակություն
27.12.2023 | 16:10
ԿԽՄԿ ներկայացուցիչները դեկտեմբերին տեսակցել են Ադրբեջանում պահվող և պաշտոնապես հաստատված անձանց։ Այս մասին Factor.am-ի հետ զրույցում ասաց ԿԽՄԿ հայաստանյան գրասենյակի հաղորդակցության ծրագրերի պատասխանատու Զառա Ամատունին։
«Տեսակցությունների շրջանակներում, համաձայն մեր ընթացակարգերի, ԿԽՄԿ ներկայացուցիչների հետ առանձնազրույցներ են տեղի ունեցել, գնահատվել է նրանց առողջական վիճակը, պահման պայմանները, հնարավորություն է տրվել կապ հաստատել հարազատների հետ և այս անգամ հարազատների կողմից ծանրոցներ են փոխանցվել»,- նշեց Ամատունին՝ առանց հստակեցնելու, թե ինչ առողջական վիճակում են Ադրբեջանում պահվող գերիները։
Հիշեցնենք, որ դեկտեմբերի 13-ին Ադրբեջանից Հայաստան վերադարձավ 32 գերի, Հայաստանն էլ այդ երկրին հանձնեց այստեղ պահվող երկու հանցագործի։ Նրանցից մեկը մեղավոր էր ճանաչվել «Զանգեզուրի պղնձամոլիբդենային կոմբինատ»-ի պահակին սպանելու մեջ և դատապարտվել էր ցմահ ազատազրկման։ Ըստ պաշտոնական տվյալների՝ Բաքվում շարունակում է պահվել 23 հայ, այդ թվում՝ Արցախի նախկին բարձրաստիճան պաշտոնյաները։ Իսկ ոչ պաշտոնական, բայց հավաստի տվյալներով՝ Բաքվի բանտերում պահվում է 48 գերեվարված անձ։
Արփի Հակոբյան
