15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Թուրքիայի խորհրդարանի հանձնաժողովը հաստատել է Շվեդիայի՝ ՆԱՏՕ-ին միանալու հայտը
Քաղաքականություն
27.12.2023 | 11:40
Թուրքիայի Ազգային մեծ ժողովի արտաքին հարաբերությունների հանձնաժողովն ընդունել է ՆԱՏՕ-ին Շվեդիայի միանալու արձանագրության վավերացումը հաստատող օրինագիծը, գրում է Անադոլու գործակալությունը։
Նիստը տեղի է ունեցել արտաքին հարաբերությունների հանձնաժողովի ղեկավար Ֆուաթ Օքթայի նախագահությամբ։
Թուրքիայի ԱԳ փոխնախարար Բուրակ Աքչափարը հանձնաժողովին ներկայացրել է ՆԱՏՕ-ին Շվեդիայի անդամակցության գործընթացի մանրամասները, իսկ պատգամավորներն իրենց կարծիքն են հայտնել օրինագծի վերաբերյալ։ Քննարկումների ավարտից հետո ՆԱՏՕ-ին միանալու հայտի վավերացմանը հավանություն տալու մասին օրինագիծն ընդունվել է արտաքին հարաբերությունների հանձնաժողովի կողմից։
Հիշեցնենք, որ Ֆինլանդիան ու Շվեդիան ՆԱՏՕ-ի միանալու համար դիմել էին Ուկրաինա ՌԴ ներխուժումից հետո։ Անկարան Ֆինլանդիայի հայտը վավերացրել էր այս տարվա մարտին, իսկ Շվեդիայի հայտի դեպքում տարբեր նախապայմաններ էր առաջ քաշում։
