20.02.2026 | 10:53
Խուզարկություններ՝ Արմավիրի մարզի շուրջ 20 հասցեներում
Բաքվում մեկնարկել է Վագիֆ Խաչատրյանի ապօրինի դատավճռի դեմ բողոքի քննությունը
Քաղաքականություն
25.12.2023 | 14:08
Մեկնարկել է Լաչինի միջանցքից առևանգված և Բաքվի դատարանի կողմից շինծու մեղադրանքով 15 տարվա ազատազրկման դատապարտված արցախցի Վագիֆ Խաչատրյանի վերաքննիչ բողոքի քննությունը։ Այս մասին ադրբեջանական լրատվամիջոցներին հայտնել է Խաչատրյանի փաստաբան Ռադմիլա Աբդիլովան։
Նրա խոսքով՝ Վագիֆ Խաչատրյանի անձնական տվյալները և բողոքը քննարկվել են Բաքվի վերաքննիչ դատարանում դատավոր Հասան Ախմեդովի նախագահությամբ կայացած նիստում։ Բուն նիստը նշանակված է 2024թ-ի հունվարի 7-ին։
Հավելենք, որ նոյեմբերի 7-ին Բաքվի ռազմական դատարանը Վագիֆ Խաչատրյանին 15 տարվա ազատազրկման էր դատապարտել։ Չնայած իր դեմ ճնշումներին՝ Խաչատրյանը դատական նիստերում պարբերաբար հայտարարում էր, որ որևէ հանցանք չի գործել և իրեն մեղավոր չի ճանաչում։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։
Էմմա Չոբանյան
