15.05.2026 | 20:25
Նիկոլայ Ծատուրյանի մահվան կապակցությամբ ստեղծվել է թաղման կառավարական հանձնաժողով
Factor TV-ի հրապարակումից հետո ՄՍԾ-ն խոստացել է զբաղվել դրսում հայտնված արցախցի ընտանիքի խնդիրներով
22.12.2023 | 20:54
Արցախից բռնի տեղահանված Հայկանուշն ու իր յոթ երեխաները, որից վեցն անչափահաս, շուրջ 5-6 ժամ կառավարության շենքի դիմաց ձմռան ցրտին սպասելուց հետո տեղափոխվում են Վեդի` Հայկանուշի ընկերուհու տուն։
Հիշեցնենք` Հայկանուշ Յակոպովնան Factor TV-ին ավելի վաղ ահազանգել էր, որ բռնի տեղահանվելուց հետո չորս ամիս բնակվել է Սյունիքի մարզի Խոտ գյուղում, պետությունից չի ստացել որևէ աջակցություն, ինչի պատճառով չի կարողացել վճարել բնակվարձն ու կոմունալ ծախսերի գումարը։ Այսօր նա երեխաների` այդ թվում, մանկահասակ դստեր հետ, եկել էր կառավարության շենքի մոտ և խնդրում էր իրեն հասանելիք աջակցությունը։
Factor TV-ի հրապարակումից հետո կառավարության շենքի դիմաց Հայկանուշին են հանդիպել Աշխատանքի և սոցիալական հարցերի նախարարություն Միասնական սոցիալական ծառայության աշխատակիցները և խոստացել երկուշաբթի օրվանից զբաղվել դրամական աջակցության հարցերով։
Պետությունն, ըստ էության, այսօր բազմազավակ ընտանիքին կացարան չի առաջարկել, միայն Հայկանուշին ու երեխաներին ոստիկանության ծառայողական մեքենայով տեղափոխել են Վեդի։
Հայկանուշը պատմեց, որ միայնակ է հոգում երեխաների կարիքները, քանի որ ամուսինը գտնվում է ՌԴ-ում և չի կարողանում վերադառնալ առողջական խնդիրների պատճառով։
Նարեկ Կիրակոսյան
