10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Մշակութային կանգառ». Խամաճիկների թատրոնը Վայոց ձորի մարզում էր
Մշակույթ
07.07.2017 | 19:17
ՀՀ մշակույթի նախարարության «Մշակութային կանգառ» ծրագրի շրջանակում Խամաճիկների պետական թատրոնն իր վերջին հյուրախաղերն իրականացրեց ՀՀ Վայոց ձորի մարզում:
Ս. թ. հուլիսի 3-ին և 6-ին մարզի Գետափ և Արտաբույնք, իսկ հուլիսի 6-ին Եղեգնաձոր համայնքներում փոքրիկ հանդիսատեսին է ներկայացվել թատրոնի խաղացանկային Հ. Ք. Անդերսենի «Արքայադուստրը սիսեռահատիկի վրա» հեքիաթի բեմադրությունը, որը մեծ ջերմությամբ և խանդավառությամբ է ընդունվել հանդիսատեսի կողմից:
Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԼՂՀ 98 համայնքներում ընդհանուր առմամբ կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
