23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Քաղաքագետները՝ Լավրովի աղմկահարույց հայտարարության հետքերով․ ՏԵՍԱՆՅՈՒԹ
Քաղաքականություն
02.08.2018 | 15:26
Ռոբերտ Քոչարյանի և Յուրի Խաչատուրովի շուրջ կատարվողը բացառապես վերաբերում է Հայաստանի ներքին գործերին, ես չեմ կարծում, որ դա կարող է գործուն ազդեցություն ունեալ մեր արտաքին քաղաքականություն վրա․ նման ազդեցություն տեսնում են մեր որոշ քաղաքական գործիչներ, ինչպես նաև նրանք, ովքեր կապ ունեն նախկին իշխանությունների հետ։
Այս մասին այսօր «Լավրովի աղմկահարույց հայտարարությունը․ վտանգավոր ուղե՞րձ, թե՞ ինքնիշխանության վերականգման դժվար գործընթաց» թեմայով քննարկման ժամանակ ասաց Կովկասի ինստիտուտի տնօրեն Ալեքսանդր Իսկանդարյանը։
Քննարկման մասնակից Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանն էլ նկատեց, որ իր համար հասկանալի է ռուսական կողմից նման արձագանքը։ «Հայաստանում իշխանության են եկել ուժեր, որոնք ՌԴ-ին վերաբերում են շատ լավ, սակայն, միևնույն ժամանակ, նրանք այդքան էլ հասկանալի չեն ռուսական կողմի համար։ ՌԴ-ն 20 տարի սովոր է տեսնել ՀՀ այնպիսի իշխանության, որոնք պատրաստ են տալ ամեն ինչ՝ իշխանությունը պահելու համար․ և՛ Ռոբերտ Քոչարյանը, և՛ Սերժ Սարգսյանը պատրաստ էին դրան, իսկ հիմա Ռուսաստանի համար շատ դժվար է, քանի որ եկել են իշխանություններ, որոնք պատրաստ են հրաժարվել ինչ-որ բաներից, պատրաստ են փոխարինել անգամ Յուրի Խաչատուրովին»։
Տեսազանգի միջոցով քննարկմանը մասնակցող Ռուսաստանի պետական հումանիտար գիտությունների ինստիտուտի պրոֆեսոր Սերգեյ Մարկեդոնովն էլ թեմայի վերաբերյալ նկատեց, որ ռուսական կողմից Հայաստանի ներքին գործերի միջամտություն չի կարելի դիտարկել ՌԴ ԱԳ նախարար Սերգեյ Լավրովի արձագանքը։
Մարկեդոնովի այս արտահայտությանն էլ հակադարձեց Միջազգային և անվտանգության հարցերի հայկական ինստիտուտի ղեկավար Ստյոպա Սաֆարյանը՝ նշելով, որ խոսքը վերաբերում է «Մարտի 1-ի» ոճրագործության բացահայտմանը, հետևաբար, այն պետք է բացահայտվի, և որևէ մեկը չի կարող պնդել, որ այդ ժամանակվա նախագահին կարող է պատասխանատվությունից ազատել նախագահական անձեռնմխելությունը։
Մանրամասները՝ տեսանյութում։
