21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
ՀԱՄԱՍ-ը մերժել է պատանդների ազատ արձակման դիմաց զինադադարի մասին Իսրայելի առաջարկը
Քաղաքականություն
21.12.2023 | 11:37
Համաձայն արևմտյան մի շարք լրատվամիջոցների՝ ՀԱՄԱՍ խմբավորումը մերժել է Գազայում մեկշաբաթյա զինադադար հաստատելու Իսրայելի առաջարկը մոտ 40 պատանդների, այդ թվում՝ բոլոր կանանց և երեխաների ազատ արձակման դիմաց, որոնք դեռևս մնում են իսլամիստների ձեռքում, փոխանցում է BBC-ի ռուսական ծառայությունը։
Չորեքշաբթի օրը մի շարք երկրների կողմից ահաբեկչական ճանաչված խմբավորման առաջնորդ Իսմայիլ Հանիեն Կահիրեում բանակցություններ է վարել Եգիպտոսի իշխանությունների ներկայացուցիչների հետ Իսրայելի դեմ ՀԱՄԱՍ-ի պատերազմում մարդասիրական նոր դադարի հնարավորության շուրջ, սակայն զրույցն արդյունք չի տվել։
Եգիպտոսը, Քաթարի հետ միասին, Իսրայելի և ՀԱՄԱՍ-ի միջև բանակցությունների գլխավոր միջնորդներից է։
Հանիեի պատվիրակության անդամները եգիպտացի միջնորդներին ասել են, որ Իսրայելը նախ պետք է դադարեցնի իր հարձակումն այդ հատվածում և դուրս բերի իր զորքերը, բանտից ազատի բոլոր պաղեստինցի բանտարկյալներին նախքան հնարավոր գործարքի քննարկումը, գրում է Wall Street Journal-ը: Իսրայելի համար նման պայմաններն անընդունելի են։
