13.01.2026 | 10:57
ԱՄՆ պետքարտուղարությունը կասեցրել է «Գրին քարտ»-ի տրամադրումը․ ՀՀ-ում ԱՄՆ դեսպանություն
280 ընկերություն՝ մեկ վայրում․ մեկնարկել է ամանորյա ամենամեծ տոնավաճառը՝ Big Christmas market with Coca-Cola-ն. ՏԵՍԱՆՅՈՒԹ
Հասարակություն
20.12.2023 | 22:14
Տարվա ամենասպասված՝ «Big Christmas market with Coca-Cola» տոնավաճառը դռները բացեց Կարեն Դեմիրճյանի անվան մարզահամերգային համալիրում։ 280-ից ավելի ընկերություններ մեկ հարկի տակ ներկայանում են իրենց արտադրանքով ու յուրօրինակ առաջարկներով։
Ամեն ինչ տոնական սեղանների համար ու ոչ միայն՝ ձեռագործ աշխատանքներից մինչև խնամքի պարագաներ, սնունդ, հագուստ ու խաղալիքներ, բոլորը՝ հատուկ առաջարկներով ու անակնկալներով։ Ամենամեծ ցուցահանդես-տոնավաճառի «Արցախ աշխարհ» անկյունում ներկայացված են 30 ընկերություններ Արցախից։ Մասնակիցները ներկայացնում են շրջափակման օրերից սկսած աշխատանքներ, որոնք Հայաստան տեղափոխվելուց հետո բիզնես են դարձել։
Արդեն 3 տարի անցկացվող ցուցահանդես-տոնավաճառի համակազմակերպիչը «Կոկա-Կոլա Հելլենիկ Բոթլինգ Քամփնի Արմենիա» ընկերությունն է, որն այս տարի ներկայանում է երեք ապրանքատեսակով՝ Կոկա-կոլա, Դոբրի և Բոնակվա։ Ընկերության տաղավարում էլ կարելի է անվճար լուսանկարվել Santa Claus-ի հետ:
«Բիգ փրոջեքթս» ընկերության կազմակերպած ցուցահանդես-տոնավաճառի գլխավոր հովանավորը «Անուշ» ապրանքանիշն է, որն այս ցուցահանդեսով ազդարարում է մուտքը հայկական շուկա։ Այցելուների համար նաև խաղարկություն կա տաղավարում՝ մոտ 4000 նվեր-փաթեթներ, բոլորը՝ շահումով։ Տաղավարը հիշեցնում է 1980-90-ականները, նվերների մեծ մասը ձեզ կհիշեցնեն խորհրդային տարիները, իսկ ուտեստները համտեսելով՝ կճանաչեք արտադրանքը։
«Big Christmas market» ցուցահանդես-տոնավաճառի գործընկեր «Idram»-ը ներկայանում է ամբողջ ընտանիքով՝ IDBank, Idram ջունիոր, ID+ լոյալության հարթակ։ Տաղավարում նվերներ ու անակնկալներ են սպասվում․ մասնակցելով խաղարկությանը՝ հնարավորություն կունենաք շահել idplus-ի 2 հատ 100.000 դրամանոց թվային նվեր-քարտերից մեկը։
«Big Christmas market with Coca-Cola» ցուցահանդես-տոնավաճառում նաև անմոռանալի և հեքիաթային ժամանցի մասին են մտածել․ ամանորյա անվճար ու շքեղ ֆոտոզոնաներ, բազմաթիվ նվերներ, հյուրասիրություն և անակնկալներ։
Յուրաքանչյուր ժամը մեկ Հանրապետության հրապարակից համալիր և հակառակ ուղղությամբ գործում են նաև անվճար ավտոբուսներ։ Ցուցահանդեսը բաց կլինի մինչև դեկտեմբերի 24-ը` ժամը 12:00-23:00-ն։
Մանրամասները՝ տեսանյութում։
Արփի Հակոբյան
