20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Առաջիկա ամիսներին կսկսվի Akash հակաօդային պաշտպանության համակարգերի մատակարարումը ՀՀ․ ԶԼՄ-ներ
Քաղաքականություն
20.12.2023 | 12:22
Հնդկական Bharat Dynamics ընկերությունը վերջնականացրել է Հայաստանի հետ խոշոր ռազմական պայմանագիրը՝ իր բաժնետոմսերի գինը հասցնելով ռեկորդային ցուցանիշների, գրում է Zee Business-ը։
Ըստ լրատվամիջոցի՝ Հայաստանն ընկերության հետ կնքել է Akash հակաօդային պաշտպանության և AAD համակարգերի մատակարարման պայմանագիր։ Լրատվամիջոցի աղբյուրները հայտնել են, որ մատակարարումներն իրականացվելու են 4-5 տարվա ընթացքում։
Հնդկական մեկ այլ՝ ANI գործակալությունն էլ հայտնում է, որ Հայաստանը ձեռք է բերել շուրջ 600 մլն դոլարի համակարգեր։
«Ակնկալվում է, որ Հայաստանին մատակարարումները սկսվելու են առաջիկա ամիսներին։ Միաժամանակ, բազմաթիվ այլ երկրներ՝ Բրազիլիան, Եգիպտոսն ու Ֆիլիպինները, հետաքրքրություն են ցուցաբերում համակարգի նկատմամբ»,-լրատվամիջոցին ասել են պաշտպանական ոլորտի աղբյուրները։
