23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
370 հազար դոլար՝ «Բեգրաունդ Փրոդաքշն»-ին․ «Մեր ժամանակների հերոսը» միջոցառումն առանց մրցույթի է կազմակերպվում
15.12.2023 | 16:00
Կառավարությունը 150 մլն դրամ կծախսի «Մեր ժամանակների հերոսը» ամենամյա համերգ-մրցանակաբաշխության կազմակերպման նպատակով։ Սա համարժեք է շուրջ 370 հազար ԱՄՆ դոլարի։ Մրցանակաբաշխությունն այս տարի կանցկացվի դեկտեմբերի 24-ին։ Համերգի կազմակերպման ծառայությունները ձեռք են բերվել մեկ անձից գնման ընթացակարգով։ 150 մլն դրամի ծառայությունները մատուցելու է «Բեգրաունդ Փրոդաքշն» ՍՊԸ-ն։
Նշենք, որ այս ընկերության սեփականատերերը հեղափոխությունից հետո նախ «Ֆակտորի Փրոդաքշն» ՍՊԸ-ի, իսկ դրանից հետո «Բեգրաունդ Փրոդաքշն» ՍՊԸ-ի միջոցով պետությանն առանց մրցույթի հարյուր միլիոնավոր դրամների ծառայություններ են մատուցել։ Այս ընկերությունը 87,318,000 ՀՀ դրամով կազմակերպել էր նաև Տիգրան Ավինյանի երդմնակալության արարողությունը։
Պետական և համայնքային կառույցների հետ բազմամիլիոնանոց պայմանագրեր կնքած «Բեգրաունդ Փրոդաքշն» ընկերության բաժնետոմսերի 81 տոկոսը 2022 թվականի մայիսի 3-ին ձեռք է բերել Մարինե Ստեփանյանը, իսկ մնացած 19 տոկոսն անցել է Վազգեն Պողոսյանին։
Մարինե Ստեփանյանն ու Վազգեն Պողոսյանը, ըստ իրավաբանական անձանց պետական ռեգիստրի և ԿԸՀ ընտրողների ռեգիստրի, հաշվառված են նույն հասցեում։ Factor.am-ին հաջողվեց պարզել, որ նրանք ամուսիններ են։ Վազգեն Պողոսյանը, բացի ընկերության 19 տոկոսի բաժնետերը լինելուց, նաև տնօրենն է։
Նարեկ Կիրակոսյան
