19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Ավինյանի աշխատասենյակի վերանորոգման ծախսերը հաշվելու համար 30 օր է անհրաժեշտ
Հասարակություն
15.12.2023 | 14:05
Տիգրան Ավինյանի աշխատասենյակի վերանորոգման ծախսերը հաշվելու համար 30 օր է անհրաժեշտ Երևանի քաղաքապետարանին։ Այս մասին Factor.am-ի գրավոր հարցմանն ի պատասխան հայտնել են գերատեսչությունից։
Factor.am-ն այս շաբաթվա սկզբին գրել էր, որ Երևանի քաղաքապետի աշխատասենյակում վերանորոգման աշխատանքներ են իրականացվում։ Քաղաքապետի մամուլի խոսնակ Հայկ Կոստանյանը մեր հարցերին ի պատասխան տեղեկացրել էր, որ ներկվում են պատերը, իսկ ծախսերի վերաբերյալ առաջարկել էր գրավոր հարցում ուղարկել։
Factor.am-ի գրավոր հարցման 5-րդ օրը քաղաքապետարանից փոխանցել են․ «Ձեր գրավոր հարցմանը պատասխանելու համար անհրաժեշտ է կատարել լրացուցիչ աշխատանք: Տեղեկատվության ազատության մասին ՀՀ օրենքի 9-րդ հոդվածի 3-րդ կետի դրույթների համաձայն Ձեր հարցման պատասխանը կտրամադրվի 30-օրյա ժամկետում»:
Նշենք, որ առաջարկել էինք նկարահանումներ իրականացնել նաև վերանորոգվող աշխատասենյակում, սակայն քաղաքապետի մամուլի խոսնակ Հայկ Կոստանյանն ասել էր, որ «նպատակահարմար չի համարում»՝ մի պատասխան, որն ըստ էության, հակասում է թափանցիկ և ժողովրդավար կառավարման մասին իշխանության խոստումներին։ Փաստորեն, Տիգրան Ավինյանի քաղաքապետ դառնալուց հետո քաղաքապետարանի դռները փակվում են լրագրողների առջև։ Հիշեցնենք՝ հոկտեմբերի 13-ին լրագրողներին թույլ չէին տվել մուտք գործել քաղաքապետարանի շենք և լուսաբանել Ավինյանի երդմնակալության արարողությունը։
Նարեկ Կիրակոսյան
